సూపర్ స్టార్ రజనీకాంత్ ఇటీవల ‘జైలర్’ చిత్రంతో ప్రేక్షకుల ముందుకు వచ్చిన సంగతి తెలిసిందే. ఈ సినిమాలో తమన్నా హీరోయిన్‌గా నటించింది. హీరోయిన్ అంటే హీరోతో డ్యూయెట్లు పాడడం, రొమాంటిక్ సన్నివేశాల్లో కనిపించడం.. కానీ, ఈ సినిమాలో తమన్నాది అలాంటి పాత్ర కాదు. కేవలం ఓ స్పెషల్ రోల్ అని చెప్పొచ్చేమో.

ఓ స్సెషల్ సాంగ్ మరియు కొన్ని సన్నివేశాల్లో మాత్రమే తమన్నా కనిపిస్తుంది. అవి కూడా సూపర్ స్టార్ రజనీకాంత్‌తో కలిసి వున్న సన్నివేశాలు కావు. సాంగ్‌లో ఏదో అలా అలా రెండు స్టెప్పులు వేస్తుందంతే రజనీకాంత్‌తో కలిసి.

ఇక, తాజాగా ఇలాంటి సూపర్ ఛాన్సే మరో యంగ్ హీరోయిన్‌ని వరించింది. ఆమె ఎవరో కాదు, రితికా సింగ్. వెంకటేష్ హీరోగా వచ్చిన ‘గురు’ సినిమాలో బాక్సింగ్ లేడీగా నటించిన ఈ ముద్దుగుమ్మ రజనీకాంత్ తాజా చిత్రంలో నటిస్తోందట.

అయితే, రితికా సింగ్‌ది ఎలాంటి పాత్ర అనే వివరాలు తెలియాల్సి వుంది. ఏది ఏమైనా సూపర్ స్టార్ రజనీకాంత్ సినిమాలో చాన్స్ అంటే అంత ఆషా మాషీ కాదుగా మరి.