హాంగ్‌జౌ: చైనాలో జరుగుతున్న 19వ ఆసియా క్రీడల్లో సౌదీ రన్నర్ ఎస్సా క్జ్వానీ 800 మీటర్ల రేసులో 1:48.05 నిమిషాలతో మొదటి స్థానంలో నిలిచి బంగారు పతకాన్ని కైవసం చేసుకున్నాడు. 21 ఏళ్ల అథ్లెట్ ఎస్సా క్జ్వానీ  సౌదీ అరేబియాకు రెండవ బంగారు పతకాన్ని.. ఆసియా క్రీడలలో ఐదవ పతకాన్ని కైవసం చేసుకున్నారు. ఈ ఏడాది ప్రారంభంలో సాధించిన 1:47:18 నిమిషాల వ్యక్తిగత అత్యుత్తమ స్థాయిని అధిగమించాడు. ఎస్సాక్జ్వానీ తన కెరీర్‌లో ఆసియా క్రీడల్లో మొట్టమొదటి బంగారు పతకాన్ని సాధించాడు. ఆసియా క్రీడల సందర్భంగా, యూసెఫ్ మస్రాహి 400 మీటర్ల పరుగులో బంగారు పతకాన్ని గెలుచుకున్నాడు. ఈ ఈవెంట్‌లో సౌదీ అరేబియాకు మొదటి పతకాన్ని అందించాడు. పోల్ వాల్ట్‌లో హుస్సేన్ అల్-హిజామ్ రజత పతకాన్ని, 200 మీటర్ల పరుగులో అబ్దుల్లా అబ్కర్ రజతం సాధించగా, షాట్‌పుట్‌లో మహ్మద్ తోలు రజతం సాధించారు.