కువైట్: కువైట్ నగరంలోని ఒక ప్రసిద్ధ క్లినిక్‌లో నిర్వహించిన భద్రతా పరమైన దాడిలో భాగంగా గత 23 రోజులుగా నిర్బంధంలో ఉన్న సుమారు 60 మంది కార్మికులను కువైట్ బుధవారం విడుదల చేసింది. ఇందులో 34 మంది భారతీయ నర్సులు ఉన్నారు. వారిలో చాలా మంది గత 3 నుండి 4 సంవత్సరాలుగా అక్కడ పనిచేస్తున్నారు.  భారత ఉన్నతాధికారుల జోక్యంతో విడుదల కార్యక్రమం సాఫీగా జరిగినట్లు విశ్వసనీయ వర్గాల సమాచారం. అరెస్టయిన వారి బంధువులు ఉన్నతాధికారులను కలిసి ఈ విషయాన్ని దృష్టికి తీసుకెళ్లారు.   అంతకుముందు భారత విదేశాంగ శాఖ సహాయ మంత్రి వి మురళీధరన్.. కువైట్‌లోని భారత రాయబార కార్యాలయం సాయంతో భారతీయుల విడుదల కోసం తీవ్రంగా కృషి చేశారు.