రష్మిక మండన్నా అంటే పక్కా కమర్షియల్ హీరోయిన్. ఇంతవరకూ ఆమె చేసిన సినిమాలన్నీ కమర్షియల్ యాంగిల్‌లోనే ఆకట్టుకున్నాయ్. అయితే, ఇకపై రష్మిక డిఫరెంట్ పంథాలో ఆలోచిస్తోందనిపిస్తోంది.

కొన్ని లేడీ ఓరియెంటెడ్ సినిమాలూ ఓకే చేస్తోంది. ఆ క్రమంలోనే డిఫరెంట్ కథాంశం వున్న ‘రెయిన్‌బో’ సినిమాని ఇప్పటికే ఓకే చేసి పెట్టింది రష్మికా మండన్నా.

దాంతో పాటూ, తాజాగా మరో హీరోయిన్ సెంట్రిక్ మూవీ రష్మిక ముందుకొచ్చిందట. నటుడు కమ్ డైరెక్టర్ అయిన రాహుల్ రవీంద్రన్ ఓ సబ్జెక్ట్ తీసుకొచ్చాడట. ఆ సబ్జెక్ట్ రష్మికకు చాలా బాగా నచ్చేసిందట. దాంతో, నాన్ కమర్షియల్ అయినప్పటికీ ఆ సినిమాకి వెంటనే గ్రీన్ సిగ్నల్ ఇచ్చేసిందట. త్వరలోనే ఈ సినిమాకి సంబంధించి పూర్తి వివరాలు వెల్లడి కానున్నాయ్.

కాగా, గతంలో రాహుల్ రవీంద్రన్ తెరకెక్కించిన ‘మన్మధుడు 2’ సినిమా బాక్సాఫీస్ వద్ద నెగిటివ్ రిజల్ట్ అందుకున్న సంగతి తెలసిందే. ఆ తర్వాత ఆయన నుంచి సినిమాలు రాలేదు. కానీ, ఈ సబ్జెక్ట్ చాలా కొత్తగా వుండడంతో, అది కూడా రష్మిక వంటి స్టార్ హీరోయిన్‌‌ని ఒప్పించడంతో, ప్రాజెక్ట్‌పై అంచనాలు పెరిగాయ్.