కమర్షియల్ సినిమాలతో చాలానే ప్రయత్నాలు చేశాడు అక్కినేని అందగాడు అకిల్ ఇంతవరకూ. కానీ, ఏదీ వర్కవుట్ కావడం లేదు. ఆఖరికి సురేందర్ రెడ్డి వంటి స్టార్ సీనియర్ దర్శకుడు కూడా అఖిల్‌కి ఓ సూపర్ హిట్ ఇవ్వలేకపోయాడు.

భారీ అంచనాలతో రూపొందిన ‘ఏజెంట్’ బొక్క బోర్లా పడింది. ఆఖరికి ఓటీటీకి కూడా నోచుకోలేదింతవరకూ అఖిల్ ‘ఏజెంట్’ మూవీ. ఇదిలా వుంటే, అఖిల్ తాజాగా ఓ థ్రిల్లర్ మూవీలో నటించేందుకు గ్రీన్ సిగ్నల్ ఇచ్చినట్లు తెలుస్తోంది.

‘విరూపాక్ష’తో హిట్ కొట్టిన కార్తీక్ దండు ఓ థ్రిల్లర్ కథాంశాన్ని అఖిల్ కోసం ప్రపోజ్ చేశాడట. నాగార్జున సైతం ఈ కథపై సుముఖంగా వుండేసరికి.. అఖిల్‌తో త్వరలోనే ఈ ప్రాజెక్ట్ పట్టాలెక్కించేందుకు సిద్ధంగా వున్నాడట కార్తీక్ దండు.

ఈ సినిమాలో ఓ కొత్త భామను హీరోయిన్‌గా తీసుకోవాలని అనుకుంటున్నారట. ప్రస్తుతం ప్రీ ప్రొడక్షన్ పనులు జరుగుతున్నాయనీ సమాచారం. దసరా సందర్భంగా అధికారిక ప్రకటన ఇవ్వడంతో పాటూ, సినిమాని లాంఛనంగా స్టార్ట్ చేయబోతున్నారనీ తెలుస్తోంది. చూడాలి మరి, ఈ థ్రిల్లర్ అయినా అఖిల్‌ని ఆదుకుంటుందేమో.!