బహ్రెయిన్: బహ్రెయిన్‌లోని ఓ ఆసుపత్రిలో పనిచేస్తున్న ఓ భారతీయ వైద్యుడిని ఉద్యోగం నుంచి తొలగించి, పాలస్తీనియన్లను ఉద్దేశించి సోషల్ మీడియాలో రెచ్చగొట్టే వ్యాఖ్యలను పోస్ట్ చేసినందుకు అతడిని అరెస్టు చేసారు. చట్టపరమైన కారణాల వల్ల పేరు చెప్పలేని 50 ఏళ్ల వ్యక్తి, హమాస్‌తో వివాద సమయంలో ఇజ్రాయెల్‌కు మద్దతు తెలుపుతూ వరుస ట్వీట్‌లను పోస్ట్ చేశాడు. అతని ట్వీట్‌లను X (గతంలో ట్విట్టర్)లో ఒక వినియోగదారు ఫ్లాగ్ చేశారు. దీంతో అలెర్టయిన బహ్రెయిన్ అధికారులు అతడిని అదుపులోకి తీసుకున్నారు.  అతని ట్వీట్లు సమాజంపై చెడు ప్రభావం చూపుతుందని పేర్కొంటూ రాయల్ బహ్రెయిన్ హాస్పిటల్ అతని ఉద్యోగం నుంచి తొలగించింది. అనంతరం తన స్టేట్‌మెంట్‌ల పట్ల డాక్టర్ సోషల్ మీడియాలో క్షమాపణలు చెప్పాడు. ఈ క్రమంలో బహ్రెయిన్ యాంటీ-సైబర్ క్రైమ్స్ డైరెక్టరేట్ ఆఫ్ యాంటీ-కరప్షన్ అండ్ ఎకనామిక్ అండ్ ఎలక్ట్రానిక్ సెక్యూరిటీ జనరల్ డైరెక్టరేట్ ఆఫ్ యాంటీ-కరప్షన్ అండ్ ఎకనామిక్ అండ్ ఎలక్ట్రానిక్ సెక్యూరిటీ నోటీసులు జారీ చేసింది. X ప్లాట్‌ఫారమ్‌లో మతపరమైన, సామాజిక ఉల్లంఘనలతో కూడిన ట్వీట్లను పోస్ట్ చేయడం సామాజిక భద్రతను ప్రభావితం చేస్తుందని పేర్కొంది. అనంతరం అతన్ని అరెస్టు చేశారు. కేసును పబ్లిక్ ప్రాసిక్యూషన్‌కు రిఫర్ చేయడానికి చట్టపరమైన చర్యలు తీసుకుంటున్నట్లు బహ్రెయిన్ అంతర్గత మంత్రిత్వ శాఖ సోషల్ మీడియాలో వెల్లడించింది.