యూఏఈ: గాజా ప్రజలను ఆదుకునేందుకు యూఏఈ ముందుకొచ్చింది.  శుక్రవారం 68 టన్నుల ఆహార సామాగ్రి,  సహాయ సహాయాన్ని రాఫా సరిహద్దు క్రాసింగ్ ద్వారా గాజా స్ట్రిప్‌లోకి రవాణా చేయడానికి వీలుగా ఈజిప్టులోని అల్ అరీష్‌కు పంపింది. యూఎన్ వరల్డ్ ఫుడ్ ప్రోగ్రామ్ (WFP)లో భాగంగా యూఏఈ అత్యవసర సామగ్రిని తరలించింది. పాలస్తీనా ప్రజలకు మానవతా సహాయాన్ని అందించే ప్రపంచ డ్రైవ్‌కు మద్దతు ఇవ్వడం లక్ష్యంగా యూఏఈ ఆహార సామగ్రిని పంపినట్లు అభివృద్ధి మరియు అంతర్జాతీయ సంస్థల వ్యవహారాల సహాయ మంత్రి సుల్తాన్ అల్ షమ్సీ తెలిపారు.  పాలస్తీనా ప్రజలకు అండగా నిలిచేందుకు చేపట్టిన స్పెషల్ డ్రైవ్‌లో భాగంగా ఈవెంట్‌లను నిర్వహిస్తున్నట్లు పేర్కొన్నారు. శనివారం ఉదయం 9 గంటల నుండి మధ్యాహ్నం 2 గంటల వరకు దుబాయ్‌లోని ఖలాత్ అల్ రెమాల్‌లో మూడు ఈవెంట్‌లు జరుగుతాయని అల్ షమ్సీ వెల్లడించారు. దుబాయ్ కేర్స్, ఆదివారం ఉదయం 9 నుండి మధ్యాహ్నం 2 గంటల వరకు, అబుదాబిలోని అబుదాబి నేషనల్ ఎగ్జిబిషన్ సెంటర్ (ADNEC)లో ఎమిరేట్స్ రెడ్ క్రెసెంట్, మరొకటి షార్జా ఎక్స్‌పో సెంటర్‌లో షార్జా ఛారిటీ ఇంటర్నేషనల్ (SCI) పర్యవేక్షణలో జరగుతుందని వివరించారు.  అనేక ప్రభుత్వ మరియు ప్రైవేట్ సంస్థలతో పాటు పౌరులు, నివాసితులతో సహా యూఏఈ అంతటా వాలంటీర్ల మద్దతుతో 25,000 సహాయ ప్యాకేజీలను సిద్ధం చేయడం ఈ ఈవెంట్‌ల లక్ష్యం అని ఆయన తెలిపారు. రిలీఫ్ ప్యాకేజీలను సిద్ధం చేయడంలో సహాయం చేయాలనుకునే వారు "వాలంటీర్స్. ఎమిరేట్స్", ఎమిరేట్స్ రెడ్ క్రెసెంట్స్ వాలంటీర్స్ పోర్టల్, డే ఫర్ దుబాయ్ ప్లాట్‌ఫాం మరియు షార్జా వాలంటీరింగ్ సెంటర్‌తో సహా అనేక వాలంటీరింగ్ ప్లాట్‌ఫారమ్‌ల ద్వారా రిజిస్టర్ చేసుకోవచ్చని సూచించారు.