కువైట్ : కువైట్ లో గురువారం వరకు తేలికపాటి వర్షాలు కురిసే అవకాశం ఉందని సోమవారం వాతావరణ శాఖ తెలిపింది. ఎగువ వాతావరణంలో మరొక అల్పపీడనంతో ఏర్పడే ఉపరితల ఆవర్తనం కారణంగా కువైట్ లోని పలు ప్రాంతాలు ప్రభావితమవుతాయని,  ఇది కొన్ని ప్రాంతాలలో తక్కువ మరియు మధ్యస్థ వర్షపాతానికి  దారి తీస్తుందని వెల్లడించింది. ప్రధానంగా బుధవారం మధ్యాహ్నం నుండి గురువారం తెల్లవారుజాము వరకు వర్షం కురిసే అవకాశం ఎక్కువగా ఉందని పేర్కొంది. కొన్నిచోట్ల ఉరుములతో కూడిన వర్షం కురిసే అవకాశం ఉందని, గాలులు వాయువ్య దిశలో ఎక్కువగా వీస్తాయని, కొన్ని ప్రాంతాల్లో దుమ్ము ధూళిగా ఉండే అవకాశం ఉందని వాతావరణ శాఖ హెచ్చరించింది.