ప్రెగ్నెంట్ లేడీస్కి జింక్ ప్రాధాన్యత.!
- October 28, 2023
కణజాలాల అభివృద్ధిలో అతి ముఖ్యమైన పాత్ర వహించే ఖనిజం జింక్. అందుకే ఖచ్చితంగా ఆహారంలో వుండాల్సిన ఖనిజం జింక్. కాల్షియం, ఐరన్, మెగ్నీషియం తదితర ఖనిజాలన్నింట్లోనూ జింక్ పాత్ర అత్యంత కీలకం అని నిపుణులు చెబుతున్నారు.
జీర్ణ వ్యవస్థ సక్రమంగా పని చేయాలంటే శరీరంలో తగిన మోతాదులో జింక్ కంటెంట్ వుండాల్సిందే. సహజ సిద్ధంగా రోజులో 8 మిల్లీ గ్రాముల మోతాదులో జింక్ అవసరమవుతుంది.
అదే గర్భిణీ స్ర్తీలలో అయితే 11 నుంచి 12 మిల్లీ గ్రాముల వరకూ జింక్ మోతాదు తప్పని సరి అంటున్నారు. అందుకే ప్రెగ్నెంట్ లేడీస్కి ఫుడ్ ద్వారా అందే జింక్ కంటెంట్తో పాటూ, ట్యాబ్లెట్ల రూపంలో జింక్ కంటెంట్ అందిస్తుంటారు.
కడుపులోని బిడ్డ ఆరోగ్యంగా పెరగడానికి, కణజాలాలు సక్రమంగా వృద్ధి చెందడానికి జింక్ చాలా ముఖ్యం. అంతేకాదు, గాయాలు నయం చేయడంలో జింక్ ప్రధాన పాత్ర వహిస్తుంది.
జింక్ సరైన మోతాదులో అందాలంటే, ముఖ్యంగా గర్భిణీ స్ర్తీలు వైద్యులు సూచించిన మందులతో పాటూ, రెడ్ మీట్, చిరు ధాన్యాలను ఎక్కువగా తీసుకోవాల్సి వుంటుంది.
అలాగే, నువ్వులలో జింక్ కంటెంట్ చాలా ఎక్కువ. గర్భిణీ స్ర్రీలు నువ్వుల్ని ఆహారంలో వివిధ రకాలుగా కానీ, లేదా బెల్లంతో కలిపిన నువ్వుల వుండల్ని కానీ ప్రతీరోజూ తీసుకోవల్సి వుంటుంది.
నువ్వుల నూనెను ఆహారంలో రెగ్యులర్గా వాడడం మంచిది. బాదం పప్పులోనూ జింక్ శాతం ఎక్కువ. ప్రతీ రోజూ నానబెట్టి, పొట్టు తీసిన బాదం పప్పుల్ని తినాలని నిపుణులు సూచిస్తున్నారు. డైట్లో తేలికగా దొరికే ఈ ఐటెమ్స్ని చేర్చుకోవడం ద్వారా గర్భిణీ స్ర్రీలకు ప్రసవ సమయంలో ఎలాంటి సమస్యలు తలెత్తకుండా, సుఖ ప్రసవం అవుతుంది. తల్లీ బిడ్డ క్షేమంగా, ఆరోగ్యంగా వుంటారని సంబంధిత నిపుణులు సూచిస్తున్నారు.
తాజా వార్తలు
- ఓటర్లకు ముఖ్య గమనిక..
- ఉత్తరకాశీ టన్నెల్ ఆపరేషన్ సక్సెస్..
- తెలంగాణ ప్రజలకు సోనియాగాంధీ కీలక సందేశం
- దుబాయ్ లో శ్రీలంక ఫుడ్ ఫెస్టివల్
- బీమా క్లెయిమ్ కావాలంటే.. కారు ఓనర్లు ఈ తప్పులు చేయకండి
- ఇతరులపై దాడి చేస్తే.. ఏడాది జైలుశిక్ష, 10,000 దిర్హామ్ల జరిమానా
- సౌదీ పర్యాటక ప్రమోషన్.. 277% పెరిగిన బుకింగ్లు
- బీచ్లో బార్బెక్యూలు.. అధికారుల హెచ్చరిక
- నవంబర్ 30న పోలింగ్ రోజు అన్ని ప్రైవేట్ సంస్థలు సెలవు ప్రకటించాలి: ఎలక్షన్ కమిషన్
- అల్ దఖిలియాలో ఘోర అగ్ని ప్రమాదం..ఒకరు మృతి