నవంబర్​ నెలలో ఏకంగా 16 రోజులపాటు బ్యాంకులకు సెలవులు ఉన్నాయి. కనుక బ్యాంక్ ఖాతాదారులు ఇప్పటి నుంచే మీ షెడ్యూల్​ను ప్లాన్ చేసుకోవడం మంచిది.

లేకుంటే ఇబ్బందిపడక తప్పదు. అందుకే ఏయే రాష్ట్రాల్లో, ఎప్పుడెప్పుడు సెలవులు ఉన్నాయో ఇప్పుడు తెలుసుకుందాం.

బ్యాంక్ ఖాతాదారులకు ముఖ్య గమనిక. రిజర్వ్​ బ్యాంక్ ఆఫ్​ ఇండియా 2023 నవంబర్​​ నెలకు సంబంధించిన బ్యాంక్​ సెలవుల జాబితాను ప్రకటించింది. అందువల్ల కస్టమర్లు ఈ సెలవులను దృష్టిలో ఉంచుకుని, తమ బ్యాంకింగ్ కార్యకలాపాలను షెడ్యూల్ చేసుకోవడం మంచిది. లేదంటే తరువాత ఇబ్బంది పడాల్సి వస్తుంది.

ఆర్​బీఐ ప్రతి నెలా.. బ్యాంక్ సెలవుల జాబితాను విడుదల చేస్తూ ఉంటుంది. అందులో భాగంగా నవంబర్ నెలలోని సెలవుల జాబితాను కూడా ఇటీవలే విడుదల చేసింది. ఈ సెలవుల్లో జాతీయ సెలవులు సహా, కొన్ని ప్రాంతీయ సెలవులు కూడా ఉన్నాయి. అందుకే ఏయే రోజుల్లో బ్యాంకులకు సెలవులు ఉన్నాయో ఇప్పుడు తెలుసుకుందాం.

2023 నవంబర్ నెలలో బ్యాంక్​ సెలవుల జాబితా
నవంబర్ 1 (బుధవారం) : బెంగళూరు, ఇంఫాల్​, సిమ్లాల్లోని బ్యాంకులకు సెలవు. ఎందుకంటే ఆయా ప్రాంతాల్లో ఈ రోజున కన్నడ రాజ్యోత్సవం/ కుట్​/ కర్వా చౌత్​ పర్వదినాలు జరుగుతాయి.)
నవంబర్ 5 (ఆదివారం)
నవంబర్ 10 ( శుక్రవారం) : గోవర్థన పూజ/ లక్ష్మీపూజ/ దీపావళి పండుగ సందర్భంగా మేఘాలయలోని బ్యాంకులకు సెలవు)
నవంబర్ 11 (రెండో శనివారం)
నవంబర్ 12 (ఆదివారం)
నవంబర్ 13 (సోమవారం) : గోవర్ధన్ పూజ (ఉత్తరప్రదేశ్, రాజస్థాన్, మధ్యప్రదేశ్, గుజరాత్, బిహార్, దిల్లీలోని బ్యాంకులకు సెలవు)
నవంబర్ 14 (మంగళవారం) : దీపావళి (బలి ప్రతిపాద)/ విక్రమ సంవత్​/ లక్ష్మీ పూజ సందర్భంగా.. అహ్మదాబాద్​, బేలాపుర్​, బెంగళూరు, గ్యాంగ్​టక్, ముంబయి, నాగ్​పుర్​ల్లోని బ్యాంకులకు సెలవు.
నవంబర్ 15 (బుధవారం) : భాయ్ దూజ్​/ చిత్రగుప్త జయంతి సందర్భంగా గ్యాంగ్​టక్​, ఇంఫాల్​, కాన్పూర్​, కోల్​కతా, లఖ్​నవూ, సిమ్లాల్లోని బ్యాంకులకు సెలవు.
నవంబర్ 19 (ఆదివారం)
నవంబర్​ 20 (సోమవారం) : ఛత్​ పండుగ సందర్భంగా పట్నా, రాంచీల్లో బ్యాంకులకు సెలవు.
నవంబర్​ 23 (గురువారం) : సెంగ్​ కుట్​ స్నెమ్​/ ఇగాస్​ బగ్వాల్​ పండుగల సందర్భంగా దేహ్రాదూన్​, షిల్లాంగ్​ల్లో బ్యాంకులకు సెలవు.
నవంబర్ 24 (శుక్రవారం) : లచిత్ దివాస్ (అసోంలోని బ్యాంకులకు సెలవు)
నవంబర్ 25 (నాలుగో శనివారం)
నవంబర్ 26 (ఆదివారం)
నవంబర్ 27 (సోమవారం) : గురునానక్ జయంతి/ కార్తీక పూర్ణిమ సందర్భంగా అహ్మదాబాద్​, బెంగళూరు, చెన్నై, గ్యాంగ్​టక్​, గువాహటి, హైదరాబాద్​, ఇంఫాల్​, కోచి, పనాజీ, పట్నా, త్రివేండ్రం, షిల్లాంగ్​ల్లోని బ్యాంకులకు సెలవు.
నవంబర్ 30 (గురువారం) : కనకదాస్​ జయంతి సందర్భంగా కర్ణాటకలోని బ్యాంకులకు సెలవు.

సెలవు దినాల్లో ఆర్థిక లావాదేవీలు ఎలా చేయాలి?
నవంబర్ నెలలో ఇన్ని రోజులు బ్యాంకులకు సెలవులు ఉన్నప్పటికీ.. ఇంటర్నెట్ బ్యాంకింగ్​, మొబైల్ బ్యాంకింగ్ సేవలు మాత్రం నడుస్తూనే ఉంటాయి. అలాగే యూపీఐ సర్వీసులు, ఏటీఎం సేవలు కూడా అందుబాటులో ఉంటాయి. కనుక బ్యాంకులకు వెళ్లకుండానే.. సులువుగా మీ ఆర్థిక లావాదేవీలు పూర్తి చేసుకోవచ్చు.