అక్కినేని నాగార్జున నటిస్తున్న తాజా చిత్రం ‘నా సామిరంగ’. విజయ్ బిన్ని దర్శకత్వంలో తెరకెక్కుతోన్న ఈ చిత్రానికి శ్రీనివాస్ చిట్టూరి నిర్మాత. ప్రస్తుతం శరవేగంగా ఈ సినిమా షూటింగ్ జరుపుకుంటోంది.

బిగ్‌బాస్ టైమ్‌లో నాగార్జున నుంచి ఖచ్చితంగా ఓ సినిమా వస్తుంటుంది. అలా ఈ సీజన్ బిగ్‌బాస్‌ షో రన్ అవుతుండగా ‘నా సామిరంగ’ షూటింగ్ కూడా జరుగుతోంది.

పక్కా మాస్ గెటప్‌లో నాగార్జున ఈ సినిమాలో కనిపిస్తున్నాడు. ప్రస్తుతం మైసూర్‌లో షూటింగ్ జరిపేందుకు ప్రణాళిక సిద్ధం చేస్తున్నారు. 50 శాతానికి పైగా షూటింగ్ పూర్తయినట్లు తెలుస్తోంది.

ఇంకా వేగంగా మిగిలిన పార్ట్ కంప్లీట్ చేసి, సంక్రాంతి బరిలో ఈ సినిమాని దించాలని అనుకుంటున్నాడట నాగార్జున. అన్నట్లు ఈ సినిమాలో ఇద్దరు యంగ్ హీరోలు ప్రత్యేకమైన పాత్రల్లో నటిస్తున్నారు.

వారు మరెవరో కాదు, ఒకరు అల్లరి నరేష్ కాగా, ఇంకొకరు రాజ్ తరుణ్. అక్టోబర్‌లో జరిగిన షూటింగ్‌లో అల్లరి నరేష్, రాజ్ తరుణ్ మధ్య సన్నివేశాల్ని చిత్రీకరించారట.

ఈ ఇద్దరూ హైపర్ యాక్టివ్ హీరోలే. సినిమాకి ఖచ్చితంగా ప్లస్ అవుతారని అంటున్నారు. చూడాలి మరి, ‘నా సామిరంగ’ ఏ తరహా కాన్సెప్ట్ మూవీనో.. అటు ఆ యంగ్ హీరోలకీ, ఇటు నాగార్జున‌కీ ఎలాంటి రిజల్ట్ తెచ్చిపెడుతుందో.!