విశ్వక్ సేన్.. ఈ పేరుకు పెద్దగా పరిచయం అక్కర్లేదు. చిన్న హీరోనే అయినా సెన్సేషనల్ హీరో. తనకంటూ ప్రత్యేకమైన ఫ్యాన్ బేస్ వుందీ హీరోకి. తన ప్రతి సినిమాకీ ఏదో ఒక రకంగా కాంట్రవర్సీలు క్రియేట్ చేసి పబ్లిసిటీ స్టంట్లు చేస్తుంటాడు విశ్వక్ సేన్.

అలాగే, తాజా చిత్రం ‘గ్యాంగ్స్ ఆఫ్ గోదావరి’కీ ఓ చిన్న గేమ్ ప్లాన్ చేసినట్లున్నాడు. తగ్గేకొద్దీ తొక్కేయాలని అనుకుంటారు.. బ్యాక్ గ్రౌండ్ లేకపోతే.. అంటూ పలు రకాల అర్ధాలు వచ్చేలా సోషల్ మీడియాలో పోస్ట్ పెట్టాడు విశ్వక్‌సేన్.

డిశంబర్ 8న శివాలెత్తిపోద్ది. డిశంబర్‌లో కనుక నా సినిమా రిలీజ్ కాకపోతే.. ఇకపై నన్ను ప్రమోషన్లలో కూడా చూడరు.. అంటూ ఆ పోస్ట్‌లో పేర్కొన్నాడు విశ్వక్ సేన్.

ఇదీ విశ్వక్ సేన్ స్టైల్ ఆఫ్ పబ్లిసిటీ. ‘గ్యాంగ్స్ ఆఫ్ గోదావరి’.. ఈ సినిమాలో నేహా శెట్టి హీరోయిన్‌గా నటిస్తోంది. తనదైన రూట్‌లో ఈ సినిమా కోసం చేసిన ఈ తాజా పబ్లిసిటీ విశ్వక్ సేన్‌కి వర్కవుట్ అవుతుందా.? లెట్స్ వెయిట్ అండ్ సీ.!