‘పెళ్లి చూపులు’ సినిమాతో హీరోయిన్‌గా తనకంటూ గుర్తింపు తెచ్చుకున్న ముద్దుగుమ్మ రీతూ వర్మ.. ఆ తర్వాత తెలుగులో పలు చిత్రాలతో ఆకట్టుకుంది. తొలి సినిమా క్రేజ్‌తోనే ఏకంగా తమిళంలో సీనియర్ హీరో విక్రమ్ సరసన నటించే ఛాన్స్ కొట్టేసింది.
విక్రమ్, గౌతమ్ వాసుదేవ్ మీనన్ దర్శకత్వంలో తెరకెక్కబోయే సినిమాలో రీతూ వర్మ హీరోయిన్‌గా ఎంపికైంది. ఆ ప్రాజెక్ట్ పేరే ‘ధృవ నక్షత్రం’. అప్పుడెప్పుడో పట్టాలెక్కిన ఈ సినిమా ఇన్నేళ్ల తర్వాత ఇప్పుడు రిలీజ్‌కి నోచుకుంటోంది.
ఈ నెల 24న ‘ధృవ నక్షత్రం’ సినిమా ప్రేక్షకుల ముందుకు రానుంది. ఈ సినిమాని రెండు పార్టులుగా రిలీజ్ చేస్తున్నారట. రెండో పార్ట్ మార్చిలో రిలీజ్ కానుందట. ఇదిలా వుంటే, రీతూ వర్మ ప్రస్తుతం టాలీవుడ్‌లో ఫేడవుట్ హీరోయిన్ లిస్టులోకి వెళ్లిపోయింది.
ఇతర భాషల్లోనూ ఏమంత పెద్దగా సీను లేదు. కానీ, ఈ టైమ్‌లో ఆమె నుంచి వస్తోన్న భారీ చిత్రం ‘ధృవ నక్షత్రం’తో రీతూ వర్మ మళ్లీ బౌన్స్ బ్యాక్ అవుతుందేమో చూడాలి మరి.