యూఏఈ: తన ఆర్థిక వ్యవస్థను ప్రపంచంలోనే అత్యుత్తమంగా అభివృద్ధి చేయడానికి ప్రతిష్టాత్మక ప్రణాళికను యూఏఈ ప్రకటించింది. దేశ ఉపాధ్యక్షుడు 10 పాయింట్ల పత్రాన్ని ఆవిష్కరించారు, ఇది ప్రణాళికను అమలు చేయడంలో సహాయపడుతుంది. మార్గదర్శక సూత్రాలు యూఏఈని పూర్తి-అభివృద్ధి చెందిన డిజిటల్, సురక్షిత వ్యవస్థలు, చట్టాల ద్వారా సమీకృత ఆర్థిక వ్యవస్థగా నిలుపుతాయని వెల్లడించారు. యూఏఈ ఆర్థిక సూత్రాలు పేరుతో వెల్లడించిన పత్రం ప్రపంచవ్యాప్తంగా ఉన్న అగ్రశ్రేణి ప్రతిభను ఆకర్షించడం, ప్రపంచవ్యాప్తంగా బహిరంగ స్వేచ్ఛా-మార్కెట్ ఆర్థిక వ్యవస్థగా దేశాన్ని ప్రకటించింది. ఇది డిజిటల్ ఆర్థిక వ్యవస్థలో దేశం యొక్క పెట్టుబడులను, యువత అవకాశాలను హైలైట్ చేస్తుంది. యూఏఈ వైస్ ప్రెసిడెంట్ మరియు ప్రధాన మంత్రి, దుబాయ్ పాలకుడు హిస్ హైనెస్ షేక్ మొహమ్మద్ బిన్ రషీద్ అల్ మక్తూమ్ తన X ప్లాట్‌ఫారమ్‌లో ఈ పత్రం గురించి పేర్కొంటూ "మన జాతీయ అభివృద్ధిలో తదుపరి దశ" కోసం ఆర్థిక రోడ్‌మ్యాప్‌గా పనిచేస్తుందని తెలిపారు. "బలమైన డిజిటల్ నిర్మాణం, సురక్షిత వ్యవస్థలు, అనువైన శాసన ఫ్రేమ్‌వర్క్ మరియు భవిష్యత్తు ఆలోచనలతో యూఏఈని ప్రపంచ ఆర్థిక వ్యవస్థల్లో అగ్రగామిగా ఉంచడమే మా లక్ష్యం.” అని ఆయన అన్నారు. నవంబర్ 7-8 తేదీల్లో అబుదాబిలో జరిగిన యూఏఈ ప్రభుత్వ వార్షిక సమావేశాలు 2023 సందర్భంగా ఆయన ఈ సూత్రాలను ప్రకటించారు.
10 సూత్రాలు:
1. గ్లోబల్‌గా ఓపెన్ ఫ్రీ-మార్కెట్ ఎకానమీ
2. అత్యుత్తమ ప్రతిభను ఆకర్షించడం
3. డిజిటల్ ఆర్థిక వ్యవస్థ
4. యువత భాగస్వామ్యం పెంచడం 
5. స్థిరమైన, సమతుల్య ఆర్థిక వ్యవస్థ
6. బలమైన, స్థిరమైన ఆర్థిక వ్యవస్థ
7. బలమైన, న్యాయమైన శాసన వాతావరణం
8. పారదర్శకత, చట్టాలు
9. బలమైన బ్యాంకింగ్ రంగం
10. రవాణా, లాజిస్టిక్స్ మౌలిక సదుపాయాలు