దోహా: ఒకటి లేదా రెండు రోజుల కాల్పుల విరమణకు బదులుగా గాజాలో ఉన్న 10-15 మంది బందీలను విడుదల చేయడానికి ఇజ్రాయెల్ -హమాస్ మధ్య చర్చలకు ఖతార్ మధ్యవర్తిత్వం వహిస్తున్నట్లు సమచారం. అక్టోబర్ 20న హమాస్ ఇద్దరు అమెరికన్ బందీలను విడుదల చేసింది. ఆతర్వాత వృద్ధ ఇజ్రాయెల్ మహిళలను కొన్ని రోజుల తర్వాత విడుదల చేశారు. హమాస్ ఇజ్రాయెల్‌పై చేసిన ఆకస్మిక దాడిలో 1,400 మంది చనిపోయారు. అనంతరం హమాస్ మిలిటెంట్లు దాదాపు 240 మందిని బందీలుగా గాజాకు పట్టుకుపోయారు. బందీలలో ఇజ్రాయిలీలు, విదేశీయులు ఉన్నట్లు తెలుస్తోంది.