యూఏఈ: పాలస్తీనా, ఇజ్రాయెల్‌లోని ప్రజలకు శాశ్వత శాంతి,  భద్రతకు ఏకైక మార్గం రాజకీయ ప్రక్రియ మాత్రమేనని యూఏఈ అధ్యక్షుడి దౌత్య సలహాదారు డాక్టర్ అన్వర్ గర్గాష్ అభిప్రాయపడ్డారు. అబుదాబి స్ట్రాటజిక్ 10వ ఎడిషన్‌లో ఆయన పాల్గొని ప్రసంగించారు. "అక్టోబర్ 7న హమాస్ దాడి సంక్షోభం నుండి ఈ ప్రాంతాన్ని హింస మరియు గందరగోళంలోకి నెట్టివేసింది. యూఏఈ ఈ ప్రాంతీయ పరిణామాలపై చురుకుగా పనిచేస్తోంది. యూఎన్ భద్రతా మండలిలో ఏకైక అరబ్ ప్రతినిధిగా ఉన్నప్పుడు, సమస్యలను తగ్గించడంలో సహాయం చేయడానికి ప్రయత్నించాము’’ అని పేర్కొన్నారు. ‘తరహూమ్ - ఫర్ గాజా’ అనే నినాదంతో గాజా స్ట్రిప్‌లో యుద్ధం కారణంగా ప్రభావితమైన పాలస్తీనా ప్రజలకు యూఏఈ సహాయాన్ని అందిస్తోందని తెలిపారు. పాలస్తీనా - ఇజ్రాయెల్ ప్రజలకు శాశ్వత శాంతి మరియు భద్రతను సాధించడానికి ఏకైక మార్గం. తూర్పు జెరూసలేం రాజధానిగా ఉన్న 1967 సరిహద్దుల ఆధారంగా స్వతంత్ర పాలస్తీనా రాష్ట్రంతో రెండు-రాష్ట్రాల పరిష్కారాన్ని సాధించడానికి రాజకీయ ప్రక్రియ ద్వారా మాత్రమే సాధ్యమవుతుందన్నారు.