నేచురల్ స్టార్ నాని మహా టాలెంటెడ్ అని ప్రత్యేకంగా చెప్పక్కర్లేదు. తనదైన సహజమైన నటనతో పక్కింటబ్బాయ్‌లా తెలుగు ప్రేక్షకులకు దగ్గరైపోయాడు.

అయితే నానీలో ఈ తరహా టాలెంట్ కూడా వుందా.? అని ఆశ్చర్యపోయేలా చేశాడిప్పుడు. ఇండియా వరల్డ్ కప్ మ్యాచ్ సందర్భంగా నాని కామెంటేటర్ అవతారమెత్తాడు.

ప్రొఫిషనల్ కామెంటేటర్లతో కలిసి కాసేపు సందడి చేశాడు. మొదట స్లోగా తన కామెంటరీ స్టార్ట్ చేసిన నాని, ఆ తర్వాత ప్రొఫిషనల్ కామెంటేటర్‌గా తనలోని టాలెంట్ బయటికి తీసేసి అందర్నీ ఆశ్చర్యపరిచాడు.

ఇంత టాలెంట్ నానిలోనా.! వావ్.! అని ఆశ్చర్యపోయారు. అయితే, గతంలో అసిస్టెంట్ డైరెక్టర్‌గా పని చేసిన అనుభవం నానికి వుంది. అలాగే, వీజెగానూ నాని అనుభవజ్ఞుడు.

అందుకే ఈ టాలెంట్ సాధ్యపడిందనుకోవాలేమో. అన్నట్లు ఇదే సీజన్‌లో వెంకటేష్ కూడా తనదైన కామెంటరీతో క్రికెట్ ప్రియుల్ని అలరించాడు.

కొసమెరుపేంటంటే, విక్టరీ వెంకటేష్ ఇండియా టీమ్‌ని గెలపిస్తే.. నాని ఏమో ఓడించాడు.! జస్ట్ జోకింగ్.. సోషల్ మీడియాలో ఇలాగే మీమ్స్ పడుతున్నాయ్ మరి.!