కింగ్‌ సల్మాన్‌, 1.2 బిలియన్‌ రైతు రుణాల్ని మాఫీ చేశారు. కరువు ప్రభావంతో విలవిల్లాడుతున్న రైతులకు ఇది చాలా ఊరటనిచ్చే అంశం. ఈ రుణమాఫీతో 38,774 మంది అరేబియన్‌ షీల్డ్‌ ప్రాంతంలోని రైతులు లబ్ది పొందుతారు. కరువు ప్రభావిత ప్రాంతాల్లో పరిస్థితుల్ని అధ్యయనం చేసిన కమిటీ ఇచ్చిన నివేదిక మేరకు ఈ నిర్ణయం తీసుకున్నారు. దేశ నాయకత్వం, ప్రజల భద్రతకు కట్టుబడి ఉందనీ, మంచి జీవితం గడిపేందుకు దేశ నాయకత్వం ఎప్పుడూ సిద్ధంగా ఉంటుందని ఈ సందర్భంగా మినిస్టర్‌ ఆఫ్‌ వాటర్‌, ఎన్విరాన్‌మెంట్‌ అగ్రికల్చర్‌ అబ్దుల్‌ రహ్మాన్‌ అల్‌ ఫద్లి చెప్పారు. అగ్రికల్చర్‌ సెక్టార్స్‌కి మద్దతివ్వడంలో బాగంగా ఈ రుణమాఫీ జరుగుతున్నట్లు అగ్రికల్చరల్‌ డెవలప్‌మెంట్‌ పండ్‌ మేనేజ్‌మెంట్‌ డైరెక్టర్‌ జనరల్‌ చెప్పారు. మక్కా, మదీనా, అసిర్‌, అల్‌ బాహా, జజాన్‌, రియాద్‌, కాస్సిమ్‌, హైల్‌ మరియు తబుక్‌ ప్రాంతాల్లో కరువు కరాళనృత్యం చేసింది.