పవన్ కళ్యాణ్, క్రిష్ జాగర్లమూడి కాంబినేషన్‌లో తెరకెక్కుతోన్న సినిమా ‘హరి హరవీరమల్లు’. ఈ సినిమా షూటింగ్ చాలా ఘనంగా స్టార్ట్ చేశారు. మొగలుల చరిత్రగా పీరియాడిక్ బ్యాక్ డ్రాప్‌లో రూపొందబోయే ఈ సినిమా కోసం పవన్ కళ్యాణ్ కొన్ని ప్రత్యేకమైన యుద్ధ విద్యల్లో సైతం శిక్షణ తీసుకున్న సంగతి తెలిసిందే.

టీజర్ రిలీజ్ చేసి సినిమాపై బజ్ క్రియేట్ చేశారు కూడా. కానీ, ఏం జరిగిందో ఏమో తెలీదు కానీ, ఈ సినిమా షూటింగ్ మధ్యలోనే ఆగిపోయిందని ప్రచారం జరిగింది. క్రిష్‌కీ పవన్ కళ్యాణ్‌‌కీ మధ్య ఏదో కిరికిరి నడిచిందనీ అందుకే సినిమా షూటింగ్ ఆగిపోయిందన్న ప్రచారం కూడా వుంది.

అయితే, అలాంటిదేం లేదు.. ‘ఓజీ’ తదితర సినిమాలతో పాటూ, ‘హరి హర వీరమల్లు’ సినిమా కూడా షూటింగ్ జరుగుతోందని ఆ మధ్య చిత్ర యూనిట్ ప్రచారాల్ని ఖండించింది.

కానీ, తాజాగా ఈ సినిమాలో విలన్ పాత్ర పోషిస్తున్న నటుడు ఆ విషయంపై ఓ క్లారిటీ ఇచ్చేశాడు. ఆయన మరెవరో కాదు బాలీవుడ్ నటుడు బాబీ డియోల్. ‘యానిమల్’ సినిమాలో నటిస్తున్న బాబీ డియోల్ తాజాగా ‘యానిమల్’ ప్రీ రిలీజ్ ఈవెంట్ సందర్భంగా ఈ మాట నోరు జారేశారు.

‘యానిమల్’ కన్నా ముందే తాను ఓ తెలుగు సినిమా ఒప్పుకున్నాననీ కానీ, దురదృష్టవశాత్తూ ఆ సినిమా షూటింగ్ మధ్యలోనే ఆగిపోయిందనీ ఆయన టంగ్ స్లిప్ అయ్యారు. సో, అలా ‘హరి హరవీరమల్లు’ గుట్టు రట్టయిపోయింది.

ఈ సినిమాలో బాబీ డియోల్ ఔరంగజేబు పాత్ర పోషించాల్సి వుంది. మరి, అన్నీ కుదిరి, ఈ సినిమా మళ్లీ ఎప్పుడు పట్టాలెక్కుతుందో.. ఎప్పటికి రిలీజ్ అవుతుందో చూడాలి మరి.