యూఏఈ: జాతీయ దినోత్సవ సెలవులలో యూఏఈ నివాసితులు విహారయాత్రలను ప్లాన్ చేయడానికి లేదా విశ్రాంతి తీసుకోవడానికి సిద్ధమవుతున్నారు. ఈ నవంబర్ ప్రారంభంలో దేశంలోని కొన్ని ప్రాంతాల్లో భారీ వర్షాలు కురిసిన తర్వాత, దేశవ్యాప్తంగా ఉష్ణోగ్రతలు గణనీయంగా తగ్గిన విషయం తెలిసిందే.  అయితే, డిసెంబర్ 2న  కొన్ని తూర్పు మరియు పశ్చిమ ప్రాంతాలలో తేలికపాటి వర్షపాతం ఉండే అవకాశం ఉందని నేషనల్ సెంటర్ ఆఫ్ మెటిరియాలజీ తెలిపింది. అలాగే కొన్ని తీర ప్రాంతాలలో పొగమంచు ఏర్పడి రాత్రికి తేమగా ఉంటుంది. తేలికపాటి నుండి మోస్తరు గాలులు కూడా వీస్తాయి.

డిసెంబరు 3న కూడా పాక్షికంగా మేఘావృతమై ఉంటుంది. కాబట్టి, దేశంలోని కొన్ని ప్రాంతాల్లో తేలికపాటి వర్షపాతం నమోదయ్యే అవకాశం ఉంటుంది.  తేలికపాటి నుండి మోస్తరు గాలులు వీస్తాయి.  డిసెంబర్ 4న కొన్ని పశ్చిమ తీర ప్రాంతాలు, ద్వీపాలలో సాధారణంగా పాక్షికంగా మేఘావృతమై ఉంటుంది. నేషనల్ సెంటర్ ఆఫ్ మెటియరాలజీ వారి దీర్ఘ వారాంతానికి వాతావరణ సూచన ఆహ్లాదకరమైన గాలులతో ఉంటుందని, వర్షం పడే అవకాశం ఉందని పేర్కొంది.