యూఏఈ: అతి వేగంతో నిర్లక్ష్యంగా డ్రైవింగ్ చేస్తూ స్టంట్స్ చేస్తున్న ఇద్దరు వాహనదారులను షార్జా పోలీసులు అరెస్ట్ చేశారు. షార్జాలోని ఖోర్ ఫక్కన్ రోడ్‌లోని ఒక సొరంగంలో డ్రైవింగ్ చేస్తున్నప్పుడు వారి ప్రాణాలకు మరియు ఇతరులకు హాని కలిగించినందుకు వారిని అరెస్టు చేశారు. ఓ ప్రజాప్రతినిధి సంబంధిత అధికారులకు సమాచారం అందించగా, కేవలం రెండు గంటల్లోనే నిందితులను అరెస్టు చేశారు. వారి వాహనాలను సీజ్ చేసి చట్టపరమైన చర్యలు కూడా తీసుకున్నారు. చట్టాలను పాటించాలని, రోడ్లపై నిర్లక్ష్యంగా వాహనాలు నడపడం మానుకోవాలని షార్జా పోలీసులు ప్రజలకు పిలుపునిచ్చారు.