యూఏఈ: ఇటీవల చట్టంలో చేసిన సవరణలతో యూఏఈలో సరోగసీ ద్వారా ప్రసవాన్ని ఎంచుకోవడానికి ప్రజలను అనుమతి వచ్చింది.  న్యాయ నిపుణుల అభిప్రాయం ప్రకారం, సమాఖ్య చట్టంలోని సవరణ 'గ్రౌండ్‌బ్రేకింగ్ మార్పులకు' నాంది పలికింది.  సరోగసీ అనేది ఒక మహిళ, ఒక జంట లేదా ఒక వ్యక్తి కోసం బిడ్డను మోయడానికి మరియు ప్రసవించడానికి అంగీకరించే ప్రక్రియ. "ముస్లిమేతర పార్టీలకు వివాహ ధృవీకరణ పత్రం లేకుండా వైద్యపరంగా సహాయక పునరుత్పత్తి పద్ధతులను (IVF) విస్తరించడం, సరోగసీని అనుమతించడం, అవివాహిత జంటలకు ఫలదీకరణాలు, ఇంప్లాంటేషన్ విధానాలను అనుమతించడం వంటివి గుర్తించదగిన సవరణలు (UAE చట్టంలో) ఉన్నాయి" అని ఖలీఫాలోని బిన్ హువైదాన్ అల్కేట్బీ అడ్వకేట్స్ & లీగల్ కన్సల్టెంట్స్ లీగల్ అసోసియేట్ మానసి డిచోల్కర్ చెప్పారు.  

చట్టం ఏమి నిర్దేశిస్తుంది?

అవివాహిత మరియు ముస్లిమేతర జంటలు సంబంధిత నియంత్రణదారులకు దరఖాస్తు చేసిన తర్వాత చట్టాన్ని ఉపయోగించుకోవచ్చు. ఇప్పుడు సరోగసీతో సహా దేశంలోని చట్టబద్ధమైన సహాయ గర్భం, పునరుత్పత్తి సేవలలో దేనినైనా పొందవచ్చు.  ప్రతి ఎమిరేట్‌లోని ప్రక్రియను రెగ్యులేటర్లు పర్యవేక్షిస్తారు.  

చట్టం ఎవరికి వర్తిస్తుంది?

చట్టం ఎమిరాటీస్, ముస్లిం మరియు ముస్లిమేతర నిర్వాసితులకు వర్తిస్తుంది. అయితే, కొత్త చట్టంలోని ఆర్టికల్ 8(2) ప్రకారం సంబంధిత రెగ్యులేటర్‌కి దరఖాస్తు చేసుకున్న తర్వాత అవివాహితులైన ముస్లింలు కానివారు మాత్రమే సంబంధిత సేవలను ఉపయోగించవచ్చు. ఒకరు లేదా ఇద్దరు భాగస్వాములు ముస్లింలుగా ఉన్న జంటలకు, సేవలను పొందడానికి వివాహం తప్పనిసరి.

ఎవరు సర్రోగేట్ కావచ్చు?

"ప్రస్తుత చట్టంలో సర్రోగేట్‌లను ఎలా ఎంపిక చేస్తారనే దాని గురించి ఏమీ పేర్కొనబడలేదు మరియు నిర్దిష్ట ప్రమాణాలు ఏవీ ప్రచురించబడలేదు." అని క్లార్క్ వివరించారు. "అటువంటి సేవలకు యాక్సెస్ ప్రతి సందర్భంలో సంబంధిత రెగ్యులేటర్ ద్వారా నియంత్రించబడుతుంది. ప్రతి ఎమిరేట్‌లో ఏ విధానాన్ని తీసుకుంటారు. విధానంలో ఏదైనా మార్పు ఉంటుందా అనేది చూడాలి."అని అన్నారు. సరోగసీ కోసం వెతుకుతున్న అవివాహిత ముస్లిమేతర జంటలు తప్పనిసరిగా ఒక కీలకమైన చట్టపరమైన అంశాల ప్రకారం నడుచుకోవాల్సి ఉంటుంది. ఇందులో ఫెడరల్ అవసరాల ప్రకారం సంబంధిత రెగ్యులేటర్ నుండి వారి దరఖాస్తుకు ఆమోదం పొందడం తప్పనిసరి.