‘అఆ’ సినిమాతో తెలుగు ప్రేక్షకులకు దగ్గరైన అందాల మలయాళ భామ అనుపమా పరమేశ్వరన్. ఈ మధ్య అనుపమకి తిరుగే లేదు. వరుస విజయాలూ, అవకాశాలూ వరిస్తున్నాయ్. ‘కార్తికేయ 2’, ‘18 పేజెస్’ సినిమాలు మంచి విజయాన్ని అందించాయ్.

త్వరలో ‘టిల్లు స్క్వేర్’ సినిమాతో ప్రేక్షకుల్ని పలకరించబోతోంది అనుపమ పరమేశ్వరన్. తాజాగా అనుపమకి ఓ బంపర్ ఆఫర్ తగిలింది. దర్శక ధీరుడు రాజమౌళి సినిమాలో అనుపమ పరమేశ్వరన్ నటించబోతోందట.

రాజమౌళి, ప్రస్తుతం మహేష్ బాబు సినిమా కోసం సంసిద్ధమవుతున్న సంగతి తెలిసిందే. ప్రీ ప్రొడక్షన్ అండ్ కాస్టింగ్ సెలక్షన్ పనుల్లో రాజమౌళి బిజీగా వున్నారు.

ఆ క్రమంలోనే అనుపమని తన సినిమా కోసం సెలెక్ట్ చేశారనీ తెలుస్తోంది. అయితే, ఈ సినిమాలో అనుపమ పరమేశ్వరన్ హీరోయిన్ కాదండోయ్. మహేష్ బాబుకి చెల్లెలి పాత్ర పోషిస్తోందంతే. అయితే, రాజమౌళి సినిమాల్లోని ఏ చిన్న పాత్రయినా సరే, ఎంతో ఇంపార్టెన్స్ వుంటుంది.

అలాంటిది ఏరి కోరి అనుపమ వంటి హీరోయిన్‌ని ఆ పాత్ర కోసం సెలెక్ట్ చేశాడంటే.. ఖచ్చితంగా ఆ పాత్రలో డెప్త్ వుండడం ఖాయమని అంచనాలు వేస్తున్నారు. అయితే, హీరోయిన్‌గా మహేష్ పక్కన ఛాన్సొస్తే అది కదా అసలు సిసలు బంపర్ ఛాన్స్.!