కువైట్ సిటీ:  దివంగత కువైట్ ఎమిర్ షేక్ నవాఫ్ అల్-అహ్మద్ అల్-జాబర్ అల్-సబా అంత్యక్రియలు ఆదివారం ముగిసాయి.  ప్రస్తుత ఎమిర్ షేక్ మిషాల్ అల్-అహ్మద్ అల్-జాబర్ అల్-సబా సమక్షంలో అంత్యక్రియలు జరిగాయి. షేక్ నాసర్ అల్-మొహమ్మద్ అల్-సబా, ప్రధాన మంత్రి షేక్ అహ్మద్ నవాఫ్ అల్-అహ్మద్ అల్-సబా, అల్-సబా కుటుంబ సభ్యులు, ప్రముఖులు ఇందులో పాల్గొన్నారు.  అంతకుముందు ఎమిర్ షేక్ మిషాల్ సిద్దీఖ్ జిల్లాలోని బెలాల్ బిన్ రబాహ్ మసీదులో దివంగత అమీర్ కోసం ప్రార్థనలు నిర్వహించారు. ఈ కార్యక్రమంలో నేషనల్ అసెంబ్లీ స్పీకర్ అహ్మద్ అల్-సాదూన్, సీనియర్ షేక్‌లు, ప్రభుత్వ అధికారులు, పౌరులు పాల్గొన్నారు.

ఇదిలా ఉండగా ఆదివారం మక్కాలోని గ్రాండ్ మసీదు, మదీనాలోని ప్రవక్త మసీదులో దివంగత అమీర్ కోసం హాజరుకాని అంత్యక్రియల ప్రార్థనలు జరిగాయి. భారత్ నుంచి కేంద్రమంత్రి హర్దీప్ సింగ్ పూరి హాజరయ్యారు. కాగా, ఆదివారం మధ్యాహ్నం కువైట్ లోని ఇండియన్ ఎంబసీ సిబ్బంది దివంగత కువైట్ ఎమిర్ షేక్ నవాఫ్ మృతికి రెండు నిమిషాలు మౌనం పాటించారు.