తేజ సజ్జా హీరోగా ‘హనుమ్యాన్’ అనే సినిమా తెరకెక్కుతోన్న సంగతి తెలిసిందే. ‘ఎక్కడ ధర్మం వుంటుందో అక్కడ హనుమంతుడుంటాడు.. ఎక్కడ హనుమంతుడుంటాడో అక్కడ  విజయం వుంటుంది..’ అనే స్లోగన్‌తో ఈ సినిమా ట్రైలర్ రిలీజ్ చేశారు.

తాజాగా రిలీజైన ఈ సినిమా ట్రైలర్‌కి మంచి రెస్పాన్స్ వస్తోంది. ఒక్క మాటలో చెప్పాలంటే, బుడ్డోడికి ఈ రేంజ్ సినిమా ఎలా పడిందా.? అని కొందరు కుళ్లుకుంటున్నారంటే అతిశయోక్తి కాదేమో.

కథ, కాకరకాయ్ ఎలా వుండబోతోందో ఏమో కానీ, విజువల్ ఎఫెక్ట్స్ అయితే అదిరిపోయాయ్. నిజింగానే ట్రైలర్ కూడా అదిరిపోయింది.

సంక్రాంతికి పెద్ద సినిమాలతో పోటీగా ఈ సినిమా రిలీజ్ అవుతున్న సంగతి తెలిసిందే. జనవరి 12న ధియేటర్లలో హనుమ్యాన్ సందడి చేయబోతోంది. ధియేటర్లు సరిగ్గా దొరికితే, మనోడికి అసలు సిసలు సంక్రాంతి పండగే.

కానీ, ఆ తర్వాత రిలీజ్ కాబోయే పెద్ద సినిమాల దృష్ట్యా ‘హనుమ్యాన్’‌కి ఎన్ని ధియేటర్లు దక్కుతాయో తెలీదు కానీ, నిలబడగలిగితే మాత్రం వసూళ్ల పండగే. ప్రేక్షకులు ఆదరించదగ్గ కళ కనిపిస్తోంది ‘హనుమ్యాన్’కి. చూడాలి మరి ఏం జరుగుతుందో.!