బహ్రెయిన్‌: ప్రవాస భారతీయుల హృదయాన్ని కదిలించే ఓ సంఘటన బహ్రెయిన్‌లో చోటు చేసుకుంది. వివరాల్లోకి వెళితే.. బహ్రెయిన్‌లో నివసించే నగేష్ పడిగెల(36) సవాళ్లతో కూడిన ఆరోగ్య ప్రయాణాన్ని విజయవంతంగా అధిగమించారు. ఎంఫిసెమాటస్ కోలిసైస్టిటిస్ నిర్ధారణతో అక్టోబర్ 13న సల్మానియా ఆసుపత్రిలో చేరిన అతను తీవ్రమైన నొప్పి, వాంతులు మరియు బరువు తగ్గడాన్ని ఎదుర్కొన్నారు. సల్మానియా హాస్పిటల్  డాక్టర్ యూసుఫ్ మరియు అతని బృందం కృషి కారణంగా నగేష్ కోలుకున్నారు. తన చికిత్సను కొనసాగించడానికి, అతను గల్ఫ్ ఎయిర్‌వేస్ ద్వారా మెడికల్ ఎస్కార్ట్‌తో సురక్షితంగా హైదరాబాద్‌కు వెళ్ళారు. ఇందుకు చొరవ తీసుకున్నందుకు ప్రవాసీ లీగల్ సెల్ బహ్రెయిన్ చాప్టర్ అధ్యక్షుడు సుధీర్ తిరునిలత్‌కి నగేష్ పడిగెల మరియు అతని కుటుంబ సభ్యులు ధన్యవాదాలు తెలిపారు. అలాగే ఇమ్మిగ్రేషన్ అధికారులు వినోద్ కే జాకబ్ (బహ్రెయిన్‌లో భారత రాయబారి), రవి సింగ్, సురేన్ లాల్‌తో సహా ఎంబసీ అధికారులు, అలాగే ప్రవాసీ లీగల్ సెల్ (PLC) టీమ్, తెలుగు కళా సమితికి ప్రత్యేక కృతజ్ఞతలు తెలియజేశారు.