సినిమా వాళ్లు బర్త్ డేస్ ఎక్కడ, ఎలా జరుపుకొంటారో లాస్ట్ మినిట్ వరకు తెలీదు. కొందరు షూటింగ్ లో ఉండగా నిర్మాత సడన్ గా పూలమాల వేసి బర్త్ డే చేసేస్తాడు. కొందరు ఇంటి దగ్గర జరుపుకొంటారు. ఇంకొందరు సైలెంట్ గా పూర్తి చేసేస్తారు. అయితే ఫారిన్ లో తమ పుట్టిన రోజు జరుపుకునేవారు తక్కువే. ఆ ఛాన్స్ మన బాలకృష్ణ కొట్టేస్తున్నాడు. నందమూరి హీరో బాలకృష్ణ ఈసారి తన బర్త్ డే సెలబ్రేషన్స్‌ని అమెరికాలో జరుపుకోబోతున్నాడు.బాలయ్య బర్త్ డే కి ఇప్పటి నుంచే అమెరికాలా గ్రాండ్ గా ఏర్పాట్లు జరుగుతున్నాయి. జూన్ 5న బాలకృష్ణ సియాటెల్ కు చేరుకుంటాడు. అమెరికాలో ఉన్న తన ఫ్యాన్స్ ను చూడాలని ఉందంటూ బాలకృష్ణ తన మనసులో మాట చెబుతూ అనౌన్స్ మెంట్ కూడా ఇచ్చేశాడు. దాంతో అక్కడి బాలకృష్ణ అభిమానులు సంబరపడిపోయారు. ఆయన బర్త్ డే కు చకచకా ఏర్పాట్లు చేసేస్తున్నారు.అమెరికా వెళ్లబోయే బాలకృష్ణ సరికొత్త అందాలతో, యంగ్ హీరోలా తయారయ్యాడు. చక్కగా స్లిమ్ గా కనిపిస్తున్నాడు. మొరాకోలో తన సినిమా గౌతమీపుత్ర శాతకర్ణి షూటింగ్ షెడ్యూల్ ముగించుకుని ఈమధ్య హైదరాబాద్ చేరుకున్న బాలయ్యను చూసి అందరూ ఆశ్చర్యపోయారు. లెజెండ్ బాగా వెయిట్ తగ్గాడు. శాతకర్ణిలో యుద్ధ సన్నివేశాల్లో పాల్గొనేందుకు డైరెక్టర్ క్రిష్ చెప్పినమీదట బాలకృష్ణ బాగా వెయిట్ తగ్గించుకున్నాడట. దాదాపు 12 కిలోల వెయిట్ తగ్గాడని అంటున్నారు.