దోహా: హమద్ అంతర్జాతీయ విమానాశ్రయంలో కస్టమ్స్ అధికారులు ఖతార్‌లోకి మాదక ద్రవ్యాలను అక్రమంగా తరలించే ప్రయత్నాన్ని విఫలం చేశారు. కస్టమ్స్ ఇన్‌స్పెక్టర్‌కు అనుమానం రావడంతో ప్రయాణికుల్లో ఒకరిని వైద్య పరీక్షల కోసం రెఫర్ చేశారు. ప్రయాణికుడి కడుపులో 376 గ్రాముల హెరాయిన్,  107 గ్రాముల బరువున్న షాబు ఉన్న 81 పూత క్యాప్సూల్స్‌ను ఉన్నట్లు గుర్తించి స్వాధీనం చేసుకున్నారు. ఖతార్‌లోకి అక్రమ వస్తువులను తీసుకురావద్దని కస్టమ్స్ అథారిటీ మరోసారి హెచ్చరించింది.