బీట్ రూట్ ఆరోగ్యానికి చాలా మంచిది. హెమోగ్లోబిన్ పెంచడంలో తోడ్పడుతుంది. అలాగే బీట్‌రూట్‌లోని పోషకాలు శరీరానికి చాలా రకాలుగా మేలు చేస్తాయ్.

అందుకే అప్పుడప్పుడూ అయినా బీట్‌రూట్ తింటుండాలని నిపుణులు చెబుతున్నారు. అయితే, బీట్‌రూట్‌ని షుగర్, మిల్క్ కలిపి జ్యూస్‌లా చేసి తాగుతుంటారు. కొందరు లెమన్ కూడా మిక్స్ చేసుకుని జ్యూస్ చేస్తుంటారు.

ఇలా చేసుకుని తాగడం మంచిదే. అలాగే కొందరు కూరలా, మరికొందరు పచ్చడిలానూ చేసుకుని తింటుంటారు. అయితే, ఇప్పుడు మనం చెప్పుకునే విధంగా బీట్ రూట్‌ని వాడితే బోలెడంత ఆరోగ్యం మన సొంతమవుతుంది.

తురిమిన బీట్‌రూట్‌కి కాస్త అల్లం చేర్చి, అందులోనే పచ్చి పసుపు కొమ్ము తురుము కూడా కొద్దిగా వేసి, తగినంత వాటర్‌తో జ్యూస్‌లా చేసి తాగితే చాలా చాలా మంచిదని నిపుణులు చెబుతున్నారు.

పసుపులోని యాంటీ ఆక్సిడెంట్లు బీట్‌రూట్‌లోని పోషకాలు శరీరానికి ఎంతో మేలు చేస్తాయ్. శరీరానికి తగినంత ఐరన్ అందుతుంది. తద్వారా రక్త హీనత రాకుండా వుంటుంది. సీజనల్‌గా సోకే ఫ్లూ తదితర అనారోగ్య సమస్యలు దరి చేరకుండా వుంటాయ్.