ప్రధానమంత్రి నరేంద్రమోదీ త్వరలో విదేశీ పర్యటనకు బయలుదేరనున్నారు. జూన్‌ 4 నుంచి అఫ్గానిస్థాన్‌, ఖతార్‌, స్విట్జర్లాండ్‌, అమెరికా, మెక్సికో దేశాల్లో పర్యటించనున్నారు. ఈ సందర్భంగా పలు కార్యక్రమాల్లో పాల్గొనడంతో పాటు.. ఆయా దేశాధినేతలతో చర్చించనున్నారు.జూన్‌ 4న మోదీ అఫ్గాన్‌ బయలుదేరుతారు. అక్కడ రూ. 1400కోట్ల భారత నిధులతో నిర్మించిన సల్మా డ్యామ్‌ను మోదీ ప్రారంభిస్తారు. అనంతరం ఖతార్‌ వెళ్లి.. ఆ దేశాధిపతి షేక్‌ తమీమ్‌ బిన్‌ హమద్‌ అల్‌-తనీతో ఆర్థిక సంబంధాలపై ద్వైపాక్షిక చర్చల్లో పాల్గొంటారు.
ఖతార్‌ నుంచి మోదీ స్విట్జర్లాండ్‌ బయలుదేరుతారు. అక్కడ స్విస్‌ అధ్యక్షుడు జోహన్‌ షెనీదెర్‌ అమాన్‌తో సమావేశం కానున్నారు. ఈ సందర్భంగా స్విస్‌ ఖాతాల్లో దాగిన భారత నల్లకుబేరులను బయటకు తీసుకొచ్చేందుకు ఇరువురు చర్చించనున్నారు. అక్కడి నుంచి జూన్‌ 7న మోదీ అమెరికా వెళ్తారు.అమెరికా పర్యటనలో భాగంగా ఆ దేశాధ్యక్షుడు ఒబామాతో సమావేశంతో పాటు.. యూఎస్‌ కాంగ్రెస్‌లో మోదీ ప్రసంగించనున్నారు. తిరుగు ప్రయాణంలో ప్రధాని మోదీ మెక్సికోలో పర్యటిస్తారు.