యూఏఈ: 2024కు ఘనంగా స్వాగతం పలికేందుకు  దుబాయ్ వాసులు సిద్ధమవుతున్నారు. అయితే, ఆరోజున ఆకాశం మేఘావృతమై సాయంత్రం చినుకులు పడే అవకాశం ఉందని నేషనల్ సెంటర్ ఆఫ్ మెటియోరాలజీ (NCM)లో జనరల్ మెటియోరాలజీ హెడ్ ఈసా అల్ సెరెడీ తెలిపారు. ఇదిలా ఉండగా.. గురువారం ఉదయం నగరాన్ని దట్టమైన పొగమంచు కమ్మేసింది. అయితే, తరువాతి రోజుల్లో పొగమంచు క్రమంగా తగ్గుతుందని అంచనా వేస్తున్నారు.  రాబోయే మూడు రోజుల పాటు పొగమంచు ఏర్పడుతుందని భావిస్తున్నామని పేర్కొన్నారు. కాగా, డిసెంబర్ 31న నూతన సంవత్సర పండుగ సందర్భంగా పొగమంచు కప్పేస్తుందన్న అంచనా ఉందన్నారు. అలాగే, తాము సాధారణంగా తీర ప్రాంతాలతోపాటు ఉత్తర మరియు తూర్పు ప్రాంతాలపై ఆకాశం మేఘావృతమవుతుందన్నారు. తేలికపాటి వర్షం పడే అవకాశాలు ఉన్నాయని పేర్కొన్నారు.  ఈ ఏడాది డిసెంబర్‌లో ఇదే నెలలో మునుపటి సంవత్సరాలతో పోల్చితే తక్కువ వర్షపాతం నమోదైందని చెప్పారు. రస్ అల్ ఖైమాలోని పర్వతంపై నమోదైన ఉష్ణోగ్రత 9.9ºCకి చేరుకుందని సెరెడీ తెలిపారు.