మహేష్ బాబు, త్రివిక్రమ్ శ్రీనివాస్ కాంబో మూవీ ‘గుంటూరు కారం’లో మొదట హీరోయిన్‌గా పూజా హెగ్ధే కన్‌ఫామ్ అయిన సంగతి తెలిసిందే. షూటింగ్ ఆలస్యమవడం.. ఇతరత్రా కారణాల వల్ల పూజా హెగ్ధే ఆ ప్రాజెక్ట్ నుంచి తప్పుకోవడంతో ఆ ప్లేస్‌లోకి మీనాక్షి చౌదరి వచ్చి చేరింది.

అయితే, ఇంతవరకూ మీనాక్షి చౌదరికి సంబంధించిన లుక్ కానీ, ఏ డీటెయిల్ కానీ రాలేదు. లేటెస్ట్‌గా ఈ సినిమాలో మీనాక్షి చౌదరి లుక్ రిలీజ్ చేసింది తాజాగా చిత్ర యూనిట్.

‘రాజీ’ అని మీనాక్షి పాత్రను రివీల్ చేశారు. లంగా వోణీ ధరించి, మహేష్ భుజంపై చేయి వేసి చాలా క్లోజ్‌గా కనిపిస్తున్న స్టిల్ అది. ఈ లుక్‌కి మంచి రెస్పాన్స్ వస్తోంది.

మరో వారం రోజుల్లో ఈ సినిమా ప్రేక్షకుల ముందుకు రానుంది. ఇంతవరకూ శ్రీలీల, మహేష్‌కి సంబంధించిన అప్‌డేట్లు మాత్రమే ప్రోమోల రూపంలో బయటికి వచ్చాయ్. మీనాక్షి లుక్ రివీల్‌తో మీనాక్షి రోల్‌పై ఓ క్లారిటీ వచ్చింది.

ట్రెడిషనల్ లుక్స్‌లో అందంగా కనిపించబోతోందన్న మాట మీనాక్షి చౌదరి ఈ సినిమాలో. సంక్రాంతి సందర్భంగా జనవరి 12న ‘గుంటూరు కారం’ ప్రేక్షకుల ముందుకు రానుంది.