తెలంగాణ రాష్ట్ర ఆవిర్భావ దినోత్సవాన్ని పురస్కరించుకుని రాష్ట్ర పర్యాటక శాఖ ఆధ్వర్యంలో తెలంగాణ ఫుడ్ ఫెస్టివల్ నిర్వహించనున్నారు. ఈ మేరకు జూన్ 1 నుంచి 5వ తేదీ వరకు నెక్లెస్‌రోడ్‌లోని పీపుల్స్ ప్లాజాలో 25 హోటళ్ల స్టాళ్లను ఏర్పాటు చేయనున్నారు. ఈ స్టాళ్లలో సకినాలు, గారెలు, సంగటి, బిర్యానీ, హలీమ్ తదితర తెలంగాణ వంటకాలు కొలువుదీరనున్నాయని రాష్ట్ర పర్యాటక శాఖ ఒక ప్రకటనలో తెలిపింది. తాజ్ ఫలక్‌నుమా, తాజ్ కృష్ణ, తాజ్ బంజారా, వివంటా తాజ్, తాజ్ డక్కన్, మినర్వా గ్రాండ్, లెమన్ ట్రీ, ఎల్లా హోటల్స్, రాయల్ రీవ్, అలంకృత రిసార్ట్స్, ఆదిత్య పార్క్, హోటల్ బసెరా, ఓహ్రీ బంజారా, ఓహ్రీ 70 ఎంఎం, ఓహ్రీ నౌటంకీ, మ్యారియెట్, దస్‌పల్లా, ది ప్లాజా, మ్యారిగోల్డ్, ఆవాస్, గ్రీన్‌పార్క్, సెంట్రల్ కోర్ట్, పార్క్ హయత్ వంటి ప్రముఖ హోటళ్ల ఆధ్వర్యంలో ఫుడ్ ఫెస్టివల్ ఏర్పాటు చేయనున్నారు. ఈ సందర్భంగా సాంస్కృతిక కార్యక్రమాలు నిర్వహించనున్నారు.