రియాద్: దక్షిణ జజాన్ ప్రాంతంలోని ఫరాసన్ దీవుల జలాల్లో కిల్లర్ వేల్స్ కనిపించడంతో సౌదీ నేషనల్ సెంటర్ ఫర్ వైల్డ్ లైఫ్ (NCM) ప్రజలను హెచ్చరించింది. ఆదివారం తన ఎక్స్ ఖాతాలో వీడియో క్లిప్ పోస్ట్ చేసింది. ఫరాసన్ దీవుల రిజర్వ్ నీటిలో ఓర్కాస్‌ను పర్యవేక్షించినట్లు NCM వెల్లడించింది. "అవి సముద్రపు క్షీరదాలు, సముద్ర పర్యావరణ వ్యవస్థల భద్రతకు వాటి మనుగడ కీలకం. ఓర్కా వేల్స్ సముద్ర పరిసరాలలో ముఖ్యమైన పర్యావరణ పాత్రను పోషిస్తాయి. ఇది ఫుడ్ చైన్ లో పైభాగాన ఉంటుంది.  తద్వారా ఇతర సముద్ర జీవుల సంఖ్యను నియంత్రిస్తుంది. ”అని పేర్కొంది. ఓర్కాస్ మానవులపై దాడి చేసిన సంఘటనలు నమోదు కానప్పటికీ, దానితో ఈత కొట్టకూడదని హెచ్చరించింది.