యూఏఈ: ప్రాణాపాయ స్థితి అయిన సెప్సిస్ కారణంగా  ప్రతి సంవత్సరం ప్రపంచవ్యాప్తంగా 11 మిలియన్ల మంది మరణిస్తున్నారు. అయితే దీనిపై ప్రజలకు అవగాహన తక్కువగా ఉందని అబుదాబిలోని ఒక ఆసుపత్రికి చెందిన ప్రముఖ డాక్టర్ పేర్కొన్నారు. ఇది శరీరం ఇన్‌ఫెక్షన్‌కి సరిగ్గా స్పందించడంలో విఫలమైనప్పుడు తీవ్రమైన పరిస్థితి ఏర్పడుతుంది. ఇన్ఫెక్షన్-పోరాట ప్రక్రియ శరీరానికి వ్యతిరేకంగా మారుతుంది. ఇది తీవ్రమైన మంటను కలిగిస్తుంది. అనంతరం అవయవాలు పనిచేయకపోవడం, కణజాలం దెబ్బతినడం జరుగుతుంది. సరైన చికిత్స అందిచకపోతే మరణానికి కూడా దారితీస్తుందని అబుదాబిలోని షేక్ షఖ్‌బౌట్ మెడికల్ సిటీ (SSMC)లోని ఇంటర్నల్ మెడిసిన్ విభాగం ఇంటర్నల్ మెడిసిన్ కన్సల్టెంట్, వైస్-చైర్ డాక్టర్ అలీ అల్ షిదీ హెచ్చరించారు. 

ప్రపంచ ఆరోగ్య సంస్థ ప్రచురించిన అధ్యయనం ప్రకారం.. సెప్సిస్ ప్రతి సంవత్సరం 49 మిలియన్ల మందిని ప్రభావితం చేస్తుంది. దీని ఫలితంగా ప్రపంచవ్యాప్తంగా 11 మిలియన్ల మంది మరణిస్తున్నారు. ఇది మొత్తం ప్రపంచ మరణాలలో దాదాపు 20 శాతం. వివిధ అంటు వ్యాధుల ఫలితంగా కూడా సెప్సిస్ మరణానికి దారితీస్తుందని డాక్టర్ అల్ షిడి చెప్పారు. “ఇందులో వైరల్ ఇన్‌ఫెక్షన్‌లు, సీజనల్ ఫ్లూ, కోవిడ్-19, ఎబోలా, వేరియబుల్ బాక్టీరియల్ న్యుమోనియా, అలాగే ఇతర బాక్టీరియల్ ఇన్‌ఫెక్షన్‌ల వల్ల కలిగే న్యుమోనియా వంటి కమ్యూనిటీ-ఆర్జిత ఇన్‌ఫెక్షన్లు ఉన్నాయి. ఇతర కారణాలలో మూత్ర నాళం, జీర్ణవ్యవస్థ మరియు కాలేయ ఇన్‌ఫెక్షన్లు కూడా ఉన్నాయి. ”అని డాక్టర్ అల్ షిడి వివరించారు.  అస్పష్టమైన వ్యవహారశైలి, గందరగోళ పరిస్థితి, పరస్పర చర్యావేగం తగ్గడం, వృద్ధులలో శ్వాస సంబంధ సమస్యలు, వేగవంతమైన హృదయ స్పందన రేటు, విపరీతమైన వణుకు లేదా కండరాల నొప్పి, రోజంతా తక్కువ లేదా మూత్ర విసర్జన చేయకపోవడం, వెచ్చని లేదా చెమటతో కూడిన చర్మం, తీవ్రమైన శ్వాస ఆడకపోవడం, రంగు మారిన లేదా మచ్చల చర్మం లాంటి లక్షణాలు సెప్సిస్ ప్రధాన సంకేతాలు అని వివరించారు.    

 సెప్సిస్‌ను ఎలా నివారించాలంటే..

తగిన యాంటీబయాటిక్ వాడకాన్ని తగ్గించడంతోపాటు సెప్సిస్‌ను నివారించడానికి డాక్టర్ అల్ షిడి పలు సూచనలు చేశారు. కోవిడ్-19, ఫ్లూ, చికెన్‌పాక్స్, న్యుమోకాకల్ కోసం సిఫార్సు చేయబడిన ఇతర వ్యాక్సిన్‌లు ఉన్నాయని, వాటితో తీవ్రతను నిరోధించవచ్చని తెలిపారు. రక్తపోటు, మధుమేహం, మూత్రపిండ వ్యాధి మరియు ఇతర పరిస్థితులను నియంత్రణలో ఉంచుకోవడం ద్వారా ఇన్‌ఫెక్షన్‌లతో పోరాడే సామర్థ్యాన్ని పెంచుకోవచ్చు.  చేతులను శుభ్రంగా ఉంచుకోవాలన్నారు. హృదయ స్పందన రేటు, తక్కువ రక్తపోటు, జ్వరం, చలి, గందరగోళం, శ్వాస తీసుకోవడంలో ఇబ్బంది, విపరీతమైన నొప్పి వంటి లక్షణాలు కనిపిస్తే.. వేంటనే వైద్యులను సంప్రదించాలి. సెప్సిస్ అనేది వైద్యపరమైన అత్యవసర పరిస్థితి కాబట్టి లక్షణాలు కనిపించిన వెంటనే వైద్యులను సంప్రదించాలని సూచించారు.