దోహా: అమీర్ హెచ్‌హెచ్ షేక్ తమీమ్ బిన్ హమద్ అల్ థానీ మంగళవారం ఉదయం మషీరెబ్‌లో అమిరీ దివాన్‌తో అనుబంధంగా ఉన్న నేషనల్ ఆర్కైవ్స్ ఆఫ్ ఖతార్‌ను ప్రారంభించారు. అనంతరం నేషనల్ ఆర్కైవ్స్ ఆఫ్ ఖతార్ మౌలిక సదుపాయాల గురించి అడిగి తెలుసుకున్నారు. ఖతార్ రాష్ట్ర చరిత్రను పర్యవేక్షించే మార్గాలతో పాటు సేకరణ, ఆర్కైవ్‌లను భద్రపరచడం వంటి వాటి గురించి అధికారులు వివరించారు. అనంతరం వివిధ విభాగాలు, వాటి పని విధానాల వివరాలపై ప్రజెంటేషన్‌ను హిస్ హైనెస్ తిలకించారు. ఈ ప్రారంభోత్సవానికి పలువురు మంత్రులు,  సీనియర్ అధికారులు హాజరయ్యారు. ఈ సందర్భంగా ఖతార్ నేషనల్ ఆర్కైవ్స్ ధర్మకర్తల బోర్డు ఛైర్మన్ అబ్దుల్లా బిన్ ఖలీఫా అల్ అత్తియా అమీర్‌కు కృతజ్ఞతలు తెలిపారు.  దేశంలోని పబ్లిక్, ప్రైవేట్, చారిత్రక మరియు జాతీయ పత్రాలను సేకరించి భద్రపరిచినట్లు పేర్కొన్నారు. అలాగే విదేశాల్లో ఉన్న ఖతార్ చరిత్రను తెలియజేసే పత్రాల సేకరణ కోసం ప్రయత్నిస్తున్నట్లు పేర్కొన్నారు.