కావలిసిన పదార్దాలు
ఆలూ - రెండు దుంపలు
బ్రెడ్ ముక్కలు - నాలుగు
పచ్చి బఠీనీ - ఒక కప్పు
ఉల్లిపాయ - ఒకటి
పచ్చిమిర్చి - రెండు
ఆవాలు, జీలకర్ర, మినపప్పు - తాలింపుకు సరిపడా
కరివేపాకు - కొద్దిగా
కొత్తిమీర - కొద్డిగా
నూనె - సరిపడా
తయారీ విధానం
ముందుగా ఆలూ, పచ్చి బఠానీని కుక్కర్లో ఒక విజిల్ వచ్చే వరకూ ఉడికించాలి. తరువాత ఒక బాణలిలో కొద్దిగా నూనె వేసి, తాలింపు సామాన్లు వేసి, వేగాక, ఉల్లిపాయ ముక్కలు, పచ్చిమిర్చి ముక్కలు వేసి, వేగిన తరువాత, ఉడికించి పెట్టుకున్న ఆలూ, పచ్చి బఠానీలను కూడా వేసి తగినంత ఉప్పు, కారం, పసుపు కొద్దిగా ఛాట్ మసాలా పొడి వేసి బాగా ఉడికించి, ముద్దగా, కూరలా అయ్యేలా చేసి పక్కన ఉంచాలి. ఇప్పుడు మరొక బాణలి తీసుకుని, దానిలో నూనె వేసి బాగా మరిగాక, బ్రెడ్ ముక్కలను ఒక్కసారి నీటిలో ముంచి వెంటనే బయటికి తీసి దాని మధ్యలో ఈ ఆలూ, బఠానీ కూర స్టఫ్ చేసి బ్రెడ్ యొక్క నాలుగు మూలలూ జాగ్రత్తగా పట్టుకుని, బోండాలా చుట్టి జాగ్రత్తగా నూనెలో వేసి బ్రౌన్ రంగు వచ్చే వరకూ వేయించుకోవాలి. అంతే నోరూరించే ఆలూ బ్రెడ్ బోండా రెడీ. టొమాటో కచప్తో లాగించేస్తే ఆలూ బ్రెడ్ బోండా టేస్ట్ డబుల్ అవుతుంది.