ఈ ఏడాది సంక్రాంతి రిలీజ్ సినిమాల్లో ఒకటి ‘హనుమాన్’. చిన్న సినిమా అయినా పెద్ద విజయం అందుకున్న సినిమా ఇది. గట్టిగా చెప్పాలంటే, ‘హనుమాన్’ని ఓ సినిమాలా కాకుండా అద్భుతంలా చూస్తున్నారు ఆడియన్స్.

అందుకు కారణం అంతకు ముందే లార్జ్ స్కేల్‌లో రిలీజైన ‘ఆది పురుష్’ నిరాశ పరచడమే. ఎంత వద్దనుకున్నా.. ‘ఆది పురుష్’ సినిమాతో ఈ సినిమాని పోల్చుకోకుండా వుండలేకపోతున్నారు ప్రేక్షక దేవుళ్లు.

ఆ సంగతి అటుంచితే.. ‘హనుమాన్’ సినిమాకి కలెక్షన్ల పంట పండుతూనే వుంది. పెద్ద సినిమాలు కూడా రేస్‌లో వున్నప్పటికీ.. ఈ సినిమాకే హౌస్ ఫుల్ బోర్డులు కనిపిస్తున్నాయ్.

బాక్సాఫీస్ వద్ద ‘హనుమాన్’ కలెక్షన్ల జోరు తగ్గనే తగ్గడం లేదు. 100 కోట్లు ఈజీగా దాటేసింది. ఇక ఇప్పుడు 200 కోట్ల క్లబ్బులోకి కూడా చేరబోతోంది. మొదటి వారంలోనే కాదు కాదు, మొదటి మూడు రోజుల్లోనే బ్రేక్ ఈవెన్ అయిపోయింది ‘హనుమాన్’.

ఇక, రెండో వారంలోనూ అదే తాకిడి కొనసాగుతోంది. ఒక్కసారి కాదు.. రెండు మూడు సార్లు చూడాలన్న కుతూహలం చూపిస్తున్నారు ‘హనుమాన్’ సినిమాని. దాంతో, భీభత్సమైన కలెక్షన్లు కురుస్తున్నాయ్. చూడాలి మరి, ఈ జోరు ఎన్నాళ్లు కొనసాగనుందో.!