యూఏఈ: చాలా మంది విద్యార్థులు మార్చిలో పవిత్ర రమదాన్ మాసంతో పాటు మూడు వారాల సుదీర్ఘ సెలవులను పొందనున్నారు.  ఆ తర్వాత  ఈద్ అల్ ఫితర్ సెలవులు ఉంటాయి. ఇదే సమయంలో అకాడమిక్ ముగింపు సెలవులు కూడా వస్తాయి. దుబాయ్ ఇస్లామిక్ అఫైర్స్ అండ్ ఛారిటబుల్ యాక్టివిటీస్ డిపార్ట్‌మెంట్ (IACAD) వెబ్‌సైట్‌లో ప్రచురించబడిన హిజ్రీ క్యాలెండర్ ప్రకారం.. రమదాన్ మార్చి 12, 2024 మంగళవారం ప్రారంభమవుతుంది. దుబాయ్ నాలెడ్జ్ అండ్ హ్యూమన్ డెవలప్‌మెంట్ అథారిటీ (KHDA) వెబ్‌సైట్ ప్రకారం..దుబాయ్‌లోని ప్రైవేట్ పాఠశాలలు సెప్టెంబర్‌లో ప్రారంభమవుతాయి. మార్చి 25 నుండి ఏప్రిల్ 15 వరకు సెలవులు ఉంటాయి. ఈద్ అల్ ఫితర్ పండుగ కారణంగా రెండు వారాల సెలవులతో పాటు కంటే అదనంగా వారం పాటు పొడిగించిన సెలవులు రావచ్చు. అయితే, ఇది చంద్రుని వీక్షణపై ఆధారపడి ఉంటుంది. గల్ఫ్ ఇండియన్ హైస్కూల్ దుబాయ్ ప్రిన్సిపాల్ మహమ్మదాలీ కొట్టాకులం మాట్లాడుతూ. "మా వార్షిక పరీక్షలు మార్చి 14 నాటికి ముగియవలసి ఉంది.  కొత్త విద్యా సంవత్సరం 2024-25 ఏప్రిల్ 1, 2024 నుండి ప్రారంభమవుతుంది.”అని తెలిపారు.