యూఏఈ: రియల్ ఎస్టేట్ పెట్టుబడిదారుల కోసం ప్రభుత్వం ప్రమాణాలను సడలించారు. ఇప్పుడు దుబాయ్‌లోని ప్రాపర్టీ కొనుగోలుదారులు గోల్డెన్ వీసా కోసం అర్హత పొందేందుకు కనీసం Dh1 మిలియన్ డౌన్‌పేమెంట్ చేయాల్సిన అవసరం లేదు. ఆస్తి విలువ Dh2 మిలియన్‌లు దాటితే, చెల్లింపు ప్లాన్ లేదా తనఖాని ఎంచుకునే యజమానులు దీర్ఘకాలిక వీసా కోసం దరఖాస్తు చేసుకోవచ్చు. ముందస్తుగా చెల్లించిన మొత్తంతో సంబంధం లేకుండా యజమాని 10 సంవత్సరాల రెసిడెన్సీ కోసం దరఖాస్తు చేసుకోవచ్చని ఓ అధికారి తెలిపారు. "ఆఫ్-ప్లాన్ ప్రాపర్టీలను కేస్-టు-కేస్ ఆధారంగా పరిగణించవచ్చు. దరఖాస్తుదారులు ఆస్తి యొక్క టైటిల్ డీడ్, డెవలపర్ నుండి లేఖ లేదా బ్యాంక్ నుండి తనఖా పత్రం, వారి పాస్‌పోర్ట్ కాపీని ఫోటోతో పాటు సమర్పించాలి." అని దుబాయ్ ఆధారిత ప్రొఫౌండ్ బిజినెస్ సర్వీస్ మేనేజింగ్ డైరెక్టర్ ఫిరోసేఖాన్ తెలిపారు. గోల్డెన్ వీసా హోల్డర్‌ల మాదిరిగానే యజమానులు వారి జీవిత భాగస్వాములు, పిల్లలు మరియు తల్లిదండ్రులను 10 సంవత్సరాల కాలానికి స్పాన్సర్ చేయవచ్చు. గోల్డెన్ వీసా పొందేందుకు పెట్టుబడిదారులు 2 మిలియన్ దిర్హామ్ లేదా అంతకంటే ఎక్కువ విలువను కలిగి ఉండాలనేది ఇప్పుడు అర్హత ప్రమాణమని, తనఖా కోసం చేసే ఆస్తి విలువలో 20 శాతం చెల్లిస్తే ఇప్పుడు వీసాకు అర్హులు అవుతారని సేల్స్ ప్రోగ్రెషన్ హెడ్ జెస్ స్టీఫెన్‌సన్ వివరించారు.