మెంటల్ కృష్ణ అంటే మీకు ఇప్పటికే అర్థమై ఉంటుంది. ఆయనేనండి మన పోసాని కృష్ణ మురళి. ఇండస్ట్రీలో ఎవరితోనూ గొడవ పెట్టుకోడనే పేరున్న పోసాని పోలీస్ స్టేషన్ కు ఎందుకు వెళ్లాడు అనేదే కదా మీ అనుమానం. రచయితగా, దర్శకుడిగా, నటుడిగా ప్రేక్షకులను ఎంతగానో అలరిస్తున్న పోసాని కృష్ణ మురళిని ఎవరో నరేష్ అనే వ్యక్తి ఫోన్లోనూ.. మెసేజ్ ల ద్వారా భయపెడుతున్నాడని, తనకు తన కుటుంబానికి ప్రాణహాని ఉందని ఎస్.ఆర్.నగర్ పోలీస్ స్టేషన్ లో కంప్లైంట్ ఇచ్చాడు. నరేష్ అనే వ్యక్తి తనకు ఫోన్ చేసి బెదిరిస్తున్నట్టుగా కేస్ పెట్టాడు. కేస్ ఫైల్ చేసిన ఎస్.ఆర్.నగర్ పోలీసులు దర్యాప్తు చేపట్టారు. పోసాని కృష్ణ మురళి కాల్ డేటాను పోలీసులు తీసుకుంటున్నారు. ఇక అసలు నరేష్ అన్న వ్యక్తి ఎందుకు పోసానిని టార్గెట్ చేశాడు. పోసానికి వారికి ఉన్న గొడవలు ఏంటన్నది విచారణ చేపట్టనున్నారు. స్టేషన్ కు వచ్చిన పోసానిని చూసి ఎస్.ఆర్.నగర్ పోలీస్ స్టేషన్ దగ్గర కొంత హడావుడి ఏర్పడింది. నరేష్ ఎవరో కాదు.. ఇండస్ట్రీలోని ఓ ప్రముఖ దర్శకుడి తమ్ముడే. ఒకప్పుడు ఆయన మంచి మంచి సినిమాలు కూడా చేశాడు. ఈ మధ్య కాస్త రేస్ లో వెనకబడిపోయాడు అది వేరే విషయం. ఆయన గారి తమ్ముడే ఇప్పుడు పోసానిని వేధించింది. అది కూడా డబ్బు వ్యవహారం కోసమే. తరుచూ ఆ వ్యక్తి పోసానికి ఫోన్ చేసి డబ్బు అప్పుగా ఇవ్వమని వల్గర్ లాంగ్వేజ్ లో మాట్లాడేవాడట. దాంతో విసిగిపోయిన పోసాని పోలీస్ స్టేషన్ మెట్లెక్కాడని సమాచారం.