సూర్య ప్రధాన పాత్రలో వస్తున్న ‘కంగువ’ సినిమా నుంచి కీలక పాత్రధారి అయిన బాబీ డియోల్ లుక్ రిలీజ్ చేశారు. ఈ సినిమాలో బాబీ డియోల్ ఉధిరన్ పాత్రలో కనిపించబోతున్నాడు.
పీరియాడికల్ మూవీగా తెరకెక్కుతోన్న ఈ సినిమాలో సూర్య పాత్ర చిత్రీకరణ కూడా భిన్నంగా రూపొందిచబడింది. సినిమా గురించి ప్రత్యేకంగా మాట్లాడుకుంటున్నారు.
కథా, కమామిషు ఏంటనే విషయంపై క్లారిటీ లేదు కానీ, ఓ ప్రయోగాత్మక పీరియాడికల్ మూవీగా ‘కంగువ’ను అభివర్ణిస్తున్నారు.
తాజాగా రిలీజైన బాబీ డియోల్ లుక్‌కి మంచి రెస్పాన్స్ వస్తోంది. చిత్రమైన వేషధారణలో వున్న వ్యక్తులు.. వారిలో మహిళలు కూడా వున్నారు. ఓ గుంపులా వున్న ఆ వ్యక్తుల మధ్య మరింత చిత్రమైన గెటప్‌లో బాబీ డియోల్ కనిపిస్తున్నారు.
ఈ మధ్య ‘యానిమల్’ చిత్రంతో బాబీ డియోల్ స్పెషల్ ట్రెండింగ్‌గా నిలిచారు. అలాగే, తెలుగులో పవన్ కళ్యాణ్ హీరోగా ‘హరి హరవీరమల్లు’లోనూ ఔరంగజేబు పాత్రలో ప్రత్యేకమైన పాత్ర పోషిస్తున్నాడు బాబీ డియోల్. ‘కంగువ’ కోసం ఎలాంటి పర్‌ఫామెన్స్ ఇవ్వబోతున్నారో చూడాలి మరి.