దర్శకుల యందు దర్శకుడు సుకుమార్ స్టైల్ వేరయా అనడం అతిశయోక్తి కాదేమో. అందుకే ఆయనతో సినిమాలు చేసేందుకు హీరోలు పోటీ పడుతుంటారు.
ప్రస్తుతం ఆయన అల్లు అర్జున్‌తో పుష్ప 2 తెరకెక్కిస్తున్న సంగతి తెలిసిందే. అలాగే, ఆయన శిష్యరికం నుంచి వచ్చిన పలువురు దర్శకులు సైతం మంచి పేరు తెచ్చుకుంటున్నారు దర్శకత్వ విభాగంలో.
‘ఉప్పెన’ దర్శకుడు బుచ్చిబాబు సన ఆ లిస్టుకి చెందినవాడే. ఆయన ప్రస్తుతం రామ్ చరణ్‌తో సినిమా చేస్తున్న సంగతి తెలిసిందే. అయితే, తాజాగా అందుతోన్న సమాచారం ప్రకారం సుకుమార్ మరో కొత్త ప్రాజెక్ట్ సిద్ధం చేస్తున్నాడనీ తెలుస్తోంది.
ఆ ప్రాజెక్ట్ మరెవరి కోసమో కాదు.. మెగా పవర్ స్టార్, గ్లోబల్ స్టార్ రామ్ చరణ్ కోసమట. గతంలో వీరిద్దరి కాంబినేషన్‌లో వచ్చిన ‘రంగస్థలం’ రికార్డులు బద్దలు కొట్టిన సంగతి తెలిసిందే.
ఇదే కాంబో మళ్లీ రిపీట్ అవుతుందంటే అంచనాలు ఆ స్థాయిలోనే వుంటాయ్. ప్రస్తుతం రామ్ చరణ్ ‘గేమ్ ఛేంజర్’ సినిమాలో నటిస్తున్నాడు. తర్వాత బుచ్చిబాబు సన సినిమాలో నటించాల్సి వుంది. ఒకవేళ జరుగుతున్న ప్రచారం నిజమే అయితే, సుకుమార్ మూవీని ఎప్పుడు పట్టాలెక్కిస్తాడో.! ఒకవేళ అదే జరిగితే.. మళ్లీ అదో సంచలనమే.!