యూఏఈ: షార్జా, దుబాయ్‌లలో భారీ వర్షాలు కురుస్తున్నాయి. వీటికి సంబంధించిన వీడియోలు సోషల్ మీడియాలో చక్కర్లు కొడుతున్నాయి. ఒక కారు నుండి తీసిన ఒక వీడియోలో.. షార్జాలోని రోడ్డు పక్కన గడ్డి పొదలపై పక్షుల గుంపును చూడవచ్చు. వర్షాలు సమృద్ధిగా కురిసి ఉష్ణోగ్రతలు తగ్గే ఈ సీజన్‌లో అనేక రకాల పక్షులు యూఏఈకి వలస వస్తాయి.  ఆదివారం తెల్లవారుజామున యూఏఈలోని జాతీయ వాతావరణ కేంద్రం (NCM) దేశంలోని కొన్ని ప్రాంతాల్లో వర్షం కోసం ఆరెంజ్, ఎల్లో హెచ్చరికలను జారీ చేసింది. అలర్ట్ ఉన్నంత వరకు నివాసితులు జాగ్రత్తగా ఉండాలని, ధికారుల సూచనలను పాటించాలని సూచించారు.