పవన్ కళ్యాణ్ హీరోగా తెరకెక్కుతోన్న సినిమాల్లో ‘ఓజీ’ ఒకటి. ఈ ప్రాజెక్ట్ స్టార్టింగ్ నుంచీ ఆసక్తి రేకెత్తిస్తూనే వుంది. సినిమా నుంచి రిలీజయ్యే ఏ చిన్న పోస్టర్, గ్లింప్స్ అయినా సరే.. సినిమాపై అంచనాలు పెంచేలా వున్నాయ్.
సుజిత్ ఈ సినిమాని ఛాలెంజింగ్‌గా తీసుకుని తెరకెక్కిస్తున్నాడు. ‘సాహో’తో తనపై పడిన మచ్చ చెరిపేసుకోవాలనుకుంటున్నాడు ‘ఓజీ’తో.
అయితే, తాజా పరిస్థితులు చూస్తుంటే.. ఈ సినిమా ఇప్పట్లో పూర్తయ్యే అవకాశాలు కనిపించడం లేదు. పొలిటికల్ హీట్ పెరిగిపోవడం వల్ల పవన్ కళ్యాణ్ నుంచి డేట్స్ తీసుకునే పరిస్థితి లేదు. దాదాపు 75 శాతం షూటింగ్ పూర్తి చేసుకున్న ఈ సినిమా మరో 15 రోజులు పవన్ కళ్యాణ్ డేట్స్ ఇస్తే పూర్తయ్యే అవకాశం వుంది.
అయితే, పవన్ నుంచి ఆ డేట్స్ చాలా చాలా కష్టమైన పని. కానీ, తాజాగా అందుతోన్న సమాచారం ప్రకారం పవన్ కళ్యాణ్ ‘ఓజీ’ కోసం డేట్స్ కేటాయించబోతున్నారనీ తెలుస్తోంది.
సో, త్వరలోనే ‘ఓజీ’ కంప్లీట్ చేసే యోచనలో సుజిత్ అండ్ టీమ్ వున్నారట. అన్నీ కలిసొస్తే.. వచ్చే ఏడాది ఆగస్ట్‌కల్లా ‘ఓజీ’ ధియేటర్లలో సందడి చేయనుంది.