మెగా పవర్ స్టార్ రామ్ చరణ్ ప్రస్తుతం ‘గేమ్ ఛేంజర్’ సినిమాతో పాటూ, ‘ఉప్పెన’ ఫేమ్ బుచ్చిబాబు సనతోనూ ఓ ప్రాజెక్ట్ ఓకే చేసి పెట్టిన సంగతి తెలిసిందే.
ఆల్రెడీ ‘గేమ్ ఛేంజర్’ కొంత మేర షూటింగ్ పూర్తి చేసుకుంది. శంకర్ సినిమా కాబట్టి ఈ సినిమా తెరకెక్కడానికి టైమ్ ఎక్కువే పడుతుంది. పడుతోంది కూడా.
అన్నీ కలిసొస్తే.. సెప్టంబర్‌లో ‘గేమ్ ఛేంజర్’ వచ్చే అవకాశాలున్నాయ్. ఆ సంగతి అటుంచితే, బుచ్చిబాబు సన ప్రాజెక్ట్ ఇప్పుడు ట్రెండింగ్‌లోకి వచ్చింది.
మార్చి నుంచి ఈ సినిమా రెగ్యులర్ షూట్ స్టార్ట్ కానుందట. విలేజ్ స్పోర్ట్స్ డ్రామాగా ఈ సినిమా తెరకెక్కబోతోంది. ఉత్తరాంధ్ర యాసలో ఈ సినిమాలో రామ్ చరణ్ డైలాుగులండబోతున్నాయట.
అంతేకాదు, ‘రంగస్థలం’లో చిట్టిబాబు పాత్రకి మించిన మేకోవర్‌తో చరణ్ ఈ సినిమాలో కనిపించబోతున్నాడట. రామ్ చరణ్ బర్త్‌డే సందర్భంగా మార్చిలో ఈ సినిమా నుంచి రామ్ చరణ్ ఫస్ట్ లుక్ రివీల్ చేసేందుకు బుచ్చిబాబు అండ్ టీమ్ సన్నాహాలు చేస్తోందట. చూడాలి మరి, రామ్ చరణ్ న్యూ లుక్స్ ఎలా వుండబోతున్నాయో.