‘ఎక్స్‌ట్రా ఆర్డినరీ మేన్’ సినిమాతో ఇటీవల ప్రేక్షకుల్ని పలకరించిన హీరో నితిన్ ఇప్పుడు డబుల్ ధమాకా ఇవ్వబోతున్నాడు. రెండు సినిమాల్ని సమాంతరంగా పూర్తి చేస్తున్నాడు.

అందులో ఒకటి వేణు శ్రీరామ్ దర్శకత్వంలో తెరకెక్కుతోన్న ‘తమ్ముడు’ కాగా, ఇంకోటి ‘రాబిన్‌హుడ్’. ‘భీష్మ’ ఫేమ్ వెంకీ కుడుముల ఈ సినిమాని తెరకెక్కిస్తున్నాడు.

ప్రస్తుతం ‘రాబిన్‌హుడ్’ సినిమా షూటింగ్‌లోనే నితిన్ బిజీగా వున్నాడు. ఈ సినిమా తాజా షెడ్యూల్ త్వరలోనే పూర్తి కానుంది. ఇది పూర్తి కాగానే మరికొన్ని రోజుల్లోనే ఇదే నెల రెండో వారంలో మారేడుమిల్లిలో జిరిగే ‘తమ్ముడు’ షూటింగ్‌కీ హాజరు కానున్నాడట నితిన్.

నితిన్ స్పీడు చూస్తుంటే.. ఈ రెండు సినిమాల్నీ ఏకకాలంలో పూర్తి చేసేసేలానే వున్నాడు. డిఫరెంట్ కాన్సెప్టులు కాదు కానీ, కమర్షియల్ ఎంటర్టైనర్లలా ఈ రెండు సినిమాలూ తెరకెక్కుతున్నట్లు తెలుస్తోంది.

ఈ ఏడాది చివరిలోనే ఈ రెండింటిలోనూ ఏదో ఒక సినిమాని ప్రేక్షకుల ముందుకు తీసుకొచ్చేలా నితిన్ అండ్ టీమ్ ప్లాన్ చేస్తోందట. ‘తమ్ముడు’ సినిమా కోసం సీనియర్ నటి లయ సెకండ్ ఇన్నింగ్స్ స్టార్ట్ చేస్తున్నారు.

నితిన్‌కి అక్క పాత్రలో ఈ సినిమాలో లయ కనిపించబోతోంది.