దోహా : ఆసియా ఛాంపియన్‌గా ఖతార్ విజేతగా నిలిచిన తర్వాత  లుసైల్ బౌలేవార్డ్‌లో వేడుకలు కొనసాగాయి. ఖతార్ ఆకాశంలో ఫైర్ వర్క్స్ కొనసాగుతుండగా.. ఓపెన్-టాప్ బస్సులో ఖతార్ టీం పరేడ్ నిర్వహించారు. శనివారం జరిగిన ఫైనల్ లో జోర్డాన్‌పై 3-1తో ఓడించి ఖతార్ విజేతగా నిలిచి AFC ఆసియా ఫుట్‌బాల్ కప్ ఖతార్ 2023 18వ ఎడిషన్ టైటిల్‌ను చేజిక్కించుకున్నది. రెండోసారి AFC ఆసియా కప్ ఖతార్ 2023 గెలుచుకున్నందుకు అమీర్ జాతీయ జట్టును అభినందించారు. హ్యాట్రిక్ హీరో అఫీఫ్ ఖతార్‌ను వరుసగా రెండో ఆసియా కప్ టైటిల్‌ను అందించడంలో కీలక పాత్ర పోషించాడు.దీంతో పెద్ద సంఖ్యలో అల్ అన్నాబీ అభిమానులు లుసైల్ బౌలేవార్డ్‌కు చేరుకుని సంబరాలు చేసుకున్నారు.