ఇటీవల ‘అన్నపూర్ణ’ సినిమాతో సౌత్ క్వీన్ లేడీ సూపర్ స్టార్ నయన తార చాలా గొడవలు ఎదుర్కొన్న సంగతి తెలిసిందే. ఆఖరికి గొడవల్ని తాళలేక.. ఓటీటీలో స్ర్టీమింగ్ అవుతున్న ఆ సినిమాని నిర్ధాక్షిణ్యంగా రాత్రికి రాత్రే తొలిగించేసిన సంగతి కూడా చాలా మందికి తెలుసు.
ఈ నేపథ్యంలోనే సౌత్ సినిమాలకు ముఖ్యంగా తెలుగు సినిమాలకు నయన తార దూరమైపోయిందన్న వార్త తెలుగు ప్రేక్షకుల్ని ఆందోళనకు గురి చేస్తోంది.
అందుకు కారణం, ఆమె బాలీవుడ్‌లో బిజీ అయిపోవడమే. ‘జవాన్’ సినిమాతో నయన తార బాలీవుడ్‌లోకి అడుగు పెట్టింది. ఈ సినిమా మంచి హిట్ అందుకోవడం.. ఆమెకు బాలీవుడ్‌లో మరన్ని స్టార్ ఛాన్సెస్ క్యూ కట్టాయ్.
దాంతో, తెలుగు సినిమాల నుంచి నయన తార తప్పుకుందంటూ ప్రచారం జరుగుతోంది. అయితే, అదంతా ఫేక్ ప్రచారమనీ, నయన తార అలాంటి డెసిషన్స్ తీసుకోలేదనీ తెలుస్తోంది.
తాజాగా వెంకటేష్ నటిస్తున్న ఓ సినిమాకి నయన తార సైన్ చేసిందనీ తెలుస్తోంది. అలాగే, చిరంజీవి సినిమా ఒకటి నయన్ కోసం చర్చల దశలో వున్నట్లు తెలుస్తోంది.