యూఏఈ: దుబాయ్‌లోని మాల్ ఆఫ్ ది ఎమిరేట్స్ మెట్రో స్టేషన్‌కు యాక్సెస్ ను తాత్కాలికంగా మూసివేయనున్నారు. ఈ మేర‌కు మాల్ మెట్రో ప్రవేశ ద్వారం వెలుపల ఒక నోటీసు అంటించారు. దీనిలో ఫిబ్రవరి 21న‌  ఉదయం 8.30 గంటల నుండి  తాత్కాలికంగా మూసివేయ‌నున్న‌ట్లు ప్రయాణికులకు తెలిపారు. కాగా, ఈ సమయంలో బస్ స్టేషన్‌కు నిష్క్రమణ సాధారణంగా పనిచేస్తుందని తెలిపింది.అయితే, ఆ రోజున సివిల్ డిఫెన్స్ నిర్వహిస్తున్న మాల్-వైడ్ తరలింపు ఎక్స‌ర్ సైజ్ కారణంగా మూసివేత ఉంటుంద‌ని నోటీసులో స్ప‌ష్టం చేశారు. తదుపరి నోటీసు వచ్చేవరకు సేవ‌లు అందుబాటులో ఉండదని అందులో పేర్కొన్నారు.  అయితే మెట్రో స‌ర్వీసులు మాత్రం య‌థాత‌ధంగా సాగుతాయ‌ని పేర్కొన్నారు.